A. E. van Vogt

A. E. van Vogt
	; Irudi gehiago
Bizitza
Jaiotzako izen-deiturak	Alfred Elton van Vogt
Jaiotza	Gretna (en) , 1912ko apirilaren 26a
Herrialdea	Kanada ; Ameriketako Estatu Batuak
Heriotza	Hollywood, 2000ko urtarrilaren 26a (87 urte)
Heriotza modua	berezko heriotza: pneumonia
Familia
Ezkontidea(k)	Edna Mayne Hull (en)
Hezkuntza
Hizkuntzak	ingelesa
Jarduerak
Jarduerak	idazlea, eleberrigilea eta zientzia-fikzio idazlea
Lan nabarmenak	ikusi The Weapon Shops of Isher (en) ; The Players of Null-A (en) ; The World of Null-A (en) ;
Jasotako sariak	ikusi Prometheus Award - Hall of Fame (2005) : The Weapon Shops of Isher (en) ; Damon Knight Memorial Grand Master Award (1996) ; Science Fiction and Fantasy Hall of Fame (1996) ; Retro Hugo Award for Best Novel (2016) : Slan (en) ;
Mugimendua	Golden Age of Science Fiction (en)
Genero artistikoa	zientzia-fikzioa

Alfred Elton van Vogt (Winnipeg, Manitoba 1912ko apirilaren 26a - Los Angeles, 2000ko urtarrilaren 26a) Kanadan sortu eta Estatu Batuetan bizi izan zen zientzia-fikziozko idazlea izan zen, batzuen ustez XX. mendearen erdialdeko autore konplexu eta ospetsuena. Van Vogtek argitaratu zuen zientzia-fikzioko lehen istorioa, Black Destroyer izenekoa, Charles Darwinen Voyage of the Beagle lanean inspiratuta idatzi zuen.

1939tik 1947ra Astounding Science-Fiction aldizkariko lankide izan zen. Aldizkari horretan argitaratu zuen, hain zuzen ere, Black Destroyer istorioa. Idazlan hori, hainbaten ustez, zientzia-fikzioaren aroaren abiapuntua izan zen. 1950ean, War of Nerves (1950), Discord in Scarlet (1939) eta M33 in Andromeda (1943) istorioekin batera, The Voyage of the Space Beagle eleberria osatu eta argitaratu zuen.

Lehenengo eleberrien artean aipagarriak ditu Slan (1940); Espazioko fauna (1950); eta The Weapon Makers (1951, Arma egileak). The World of Null-A (1948, A-ezaren mundua) lanarekin 1984an Null-A Three lanarekin amaitu zuen zikloa hasi zuen, supergizon mutantea eta jakintza ahalguztiduna nagusi direna. 1950-1963 urte-bitartean idazteari utzi zion. Etenaldi horren ondoren idatzi zituen lanen artean aipatzekoak dira Silkie (1964); The Darkness on Diamondia (1972, Ilunaldia Diamondian); Cosmic Encounter (1979); Computerworld (1983); eta To Conquer Kiber (1985).

Alzheimer gaixotasunak jota hil zen Los Angelesen, 2000ko urtarrilean.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/30 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Wikimedia Commonsen badira fitxategi gehiago, gai hau dutenak: A. E. van Vogt

(Ingelesez) Sevagram A.E. van Vogti buruzko webgunea

Datuak: Q315059
Multimedia: A. E. van Vogt / Q315059

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.