2019ko Korrika

Garesen abiatu zen apirilaren 4an eta Gasteizen bukatu apirilaren 14an. Azken kilometroa Maialen Lujanbio bertsolariak egin zuen eta ondoren berak idatzitako mezua irakurri zuen.[2][3][4]

2019ko Korrikak lekukoan eramandako mezua, Maialen Lujanbio bertsolariak idatzia, hau izan zen:[5]

Lujanbiok berak irakurri zuen mezu hori 21. korrikaren bukaerako ekitaldian, 2019ko apirilaren 14an, Gasteizko Andre Maria Zuriaren plazan.[5]

Hainbat ekintza kultural egin ziren Korrikaren inguruan:

• Garaikideak: AIKO taldeak sortu zuen dantza eta musika ikuskizuna.[6]
• Jule: Hortzmuga Teatroaren kale antzerkia.[7]
• Enkarguz: Xabier Zabala eta Andoni Egañaren sormen proposamena.[8]
• Oholtza: Beñat Krolemen performancea.[9]
• Musua: Pirritx, Porrotx eta MariMototsen ikuskizuna.[10]
• Kalaportu: Joseba Sarrionandiaren poesiekin egindako ikuskizuna. Hainbat eragile eta artistaren elkarlana izan da.[11]
• Gure oroitzapenak: Joseba Sarrionandiaren obran oinarrituriko film kolektiboa.[12]

Munduko hainbat tokitan antolatu ziren Korrikak, Euskal Etxeek edota Unibertsitateek antolatu zituzten.[13] Etxepare Institutuarekin elkarlanean.[14]

• Europan 15 hiritan izan ziren (Alemanian, Espainian, Katalunian, Erresuma Batuan, Polonian...)
• Amerikako 11 hiritan (Argentinan, Estatu Batuetan, Txilen, Mexikon...)
• Asian (Shanghai)
• Ozeanian (Australian)

Hauetaz gain beste talde batzuek ere antolatu zituzten Korrikak, hala nola, Amsterdamen, Lisboan, Banyolesen, Noumea-Kanakyn, Grazen, Alacanten, Munichen[13] eta Txinako Harresian. Bereziki birala egin zen Kaledonia Berrian egindako bideoa, kanakiarren hizkuntzaren alde lanean ari diren eragileekin batera egindakoa.[15]

Klika Korrika 2019 abestiaren hitzak Mad Muasel, Fermin Muguruza eta La Furia abeslariek konposatu zituzten[16] eta musika aldiz Fermin Muguruzak eta Kataluniako Chalart58 taldeak sortu zuten elkarlanean.[17]

Muguruza izan zen Bilbon grabatu zuten bideokliparen zuzendari artistikoa. Bertan hainbat dantzari agertzen dira dantza estilo ezberdinak uztartuz: euskal dantzak, hip hopa, break dance edota dantza garaikidea, besteak beste.[18]

Bideoaren aurkezpena egin zutenean La Furiak bere gurasoak izan zituen gogoan, euskararen alde ez zegoen giroan egindako ahaleginei esker, bera belarriprest izatera iritsi delako.[19]

Argitaratu zen egun berean, bideoklipak 100.000 bisitatik gora izan zituen, ikusleen aldetik iritzi kontrajarriak bilduz.[20][21]