2015eko Bamakoko Radisson Blu hoteleko atentatua
2015eko Radisson Blu hoteleko atentatua Bamakon (Mali), 2015eko azaroaren 20aren goizean burututako erasoa izan zen. Hamar bat ekintzaile jihadista Radisson Blu luxuzko hotelean sartu ziren eta 170 pertsona bahitu zituzten (140 bezero eta 30 hoteleko langile). Erasoa 27 bahituen eta bi ekintzaile islamisten heriotzarekin burutu zen.[1]
| 2015eko Bamakoko Radisson Blu hoteleko atentatua | ||
|---|---|---|
| ||
 | ||
| Mota | atentatu bahituak hartze tiroketa masibo | |
| Data | 2015eko azaroaren 20a | |
| Kokaleku | Radisson Blu Hotel in Bamako (en)  | |
| Herrialdea | Mali | |
| Pertsona hilak | 20 | |
| Pertsona zaurituak | 9 | |
| Arma | AK-47 | |
.JPG.webp)
Erasoaren erantzuleak
Al-Qaeda taldearekin lotura duen Al Mourabitoun taldeak erasoa bere gain hartu zuen, Mohtar Belmohtarren buruzagitzapean. Talde horrek errebindikazio testu batean zera eskatzen zuen: Frantzian atxilotutako islamiarrak askatzea eta, halaber, Maliren iparraldean gobernuak aurrera daramatza erasoak erantzutea. Taldeak 2013an Aljeriako In Amenas gas-plantaren aurkako erasoa eraman zuen aurrean; orduan erasoak 39 bahituen eta 29 erasotzaileen heriotzarekin bukatu zen.
Bahituak
Gutxienez hamalau herrialdetako bezeroak zeuden hotelean: Frantzia, Txina, Turkia, India, Belgika... Belgiar bakarra hil egin zuten, Valonia Parlamentuko langilea. Islamistek Koranaren pasarteak buruz zekitenak libre utzi zituzten.
Erreskate operazioa
Arratsaldeko 14:00etan Frantzia, Mali eta AEBetako indar bereziak hotelean sartu ziren erasoari amaiera emanez.[2][3]
Gobernuaren erantzuna
Maliko Gobernuak, Ibrahim Boubacar Keïta estatu-burua, lurralde osoan 10 egunetarako salbuespen egoera eta hiru dolu egun ezarri zituen.[4]
