2015 Frantzian

Jarraian, 2015k Frantzian eman duena kontatzen da.

Gertaerak

Urtarrila

Urtarrilaren 4an, alkate batek ume ijito bat lurperatzea debektu zion familia bati Frantzian. “Leku gutxi daukagu erabilgarri” eta “bertoko zergak ordaintzen dituztenak lehenesten dira” izan ziren alkatearen argudioak. Manuel Valls lehen ministroak haserrea adierazi zuen gertaerarengatik[1].

Urtarrilaren 5ean, Europako finantza tasa 2017rako martxan egotea nahi zuela esan zuen Hollandek. Bildutako dirua “klimaren zerbitzura eta klima aldaketaren kontrako borrokan” erabili behar zela adierazi zuen[2]. Egun berean, langabezia ez jaitsi izana bere errutzat jo zuen François Hollandek[3].

Urtarrilaren 6an, aberats izateko dei egin zien gazteei Frantziako Ekonomia ministroak. Bere ustez, "dirudunak izan nahi duten gazteak" behar zituen Frantziak[4].

Urtarrilaren 7an, Charlie Hebdoren aurkako atentatua gertatu zen, 12 hildako eraginez.

Urtarrilaren 13an, Ruslan Advoyan kanporatzea erabaki zuen Frantziak. Kurdu yezidia zen Advoyan, eta bere herrialdera itzuliz gero arriskuan zegoen[5].

Urtarrilaren 14an, Frantziako Auzitegi Konstituzionalak ontzat eman zuen 13 eskualdeko egitura[6].

Urtarrilaren 15ean, polizia bat 'nahita' harrapatu zuen ibilgailu batek, Eliseo jauregiaren inguruan baina ez zuen loturarik aurreko asteko atentatu terroristekin[7].

Urtarrilaren 16an, bere burua entregatu zuen Frantzian hiru pertsona bahitu zituen gizonak. Gertaerak ez zuen loturarik terrorismoarekin[8].

Urtarrilaren 20an, Frantzian apartheida zegoela eta periferien egoera soziala ere aztertu behar zela esan zuen Manuel Vallsek[9]. Egun berean jakin zen, terrorismoa borrokatzeko 735 milioi euro erabiliko zituela Frantziak, baita 2.600 pertsona kontratatuko zituztela "segurtasuna indartzeko eta informazio zerbitzuen lana arautzeko lege bat egingo zela[10].

Urtarrilaren 21ean jakin zenez, 3.000 jihadista inguru ari zen zaintzen Gobernua Frantzian[11].

Urtarrilaren 23an, Yvan Colonnaren helegitea Europako auzitegiak onartu zuen[12].

Urtarrilaren 24an, elur jausi batengatik sei eskiatzaile hil ziren Alpeetan[13].

Urtarrilaren 29an, zortzi urte zituen haur bat deklaratzera deitu zuen Frantziako Poliziak[14].

Erreferentziak
  1. «Alkate batek ume ijito bat ehortzea galarazi dio familiari Frantzian», EiTB, 2015-01-04
  2. «Europako finantza tasa 2017rako prest egotea nahi du Hollandek», EiTB, 2015-01-05
  3. «Langabezia ez jaitsi izanaren ardura bere gain hartu du François Hollandek», Berria, 2015-01-06
  4. «"Aberats" izatera deitu ditu gazteak Frantziako Ekonomia ministroak», Berria, 2015-01-07
  5. Maddi Ane Txoperena Iribarren, «Ruslan Advoyan kanporatu eginen du Frantziak», Berria, 2015-01-14
  6. «Frantziako Auzitegi Konstituzionalak berretsi egin du 13 eskualdeko egitura», Berria, 2015-01-16
  7. «Polizia bat 'nahita' harrapatu du ibilgailu batek, Eliseoaren aurrean», EiTB, 2015-01-15
  8. «Bere burua entregatu du Frantzian hiru pertsona bahitu dituen gizonak», EiTB, 2015-01-16
  9. Mikel Rodriguez, «Frantzian 'apartheid'-a dagoela adierazi du Valls lehen ministroak», Berria, 2015-01-21
  10. «"Terrorismoaren kontrako borrokarako" 735 milioi euro erabiliko ditu Frantziak», Berria, 2015-01-21
  11. Araitz Muguruza, «Ustezko 3.000 jihadista ari da zaintzen Paris», Berria, 2015-01-22
  12. «Yvan Colonnaren helegitea onartu dute Europan», Berria, 2015-01-24
  13. «Elur jausi baten ondorioz sei eskiatzaile hil dira Alpeetan», Berria, 2015-01-25
  14. «Zortzi urteko haur bati deklarazioa hartu dio Frantziako Poliziak», Berria, 2015-01-30

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.