1999ko Urkiolako Igoera

1999ko Urkiolako Igoera bizkaitar lasterketa honen XXV. ekitaldia izan zen. Abuztuaren 8an egin zen. Talde profesionalez aparte, Banaka eta Cafes Baque talde amateurrak ere parte hartu zuten. Hala ere, epaileek bigarren talde honetako hiru txirrindulariei (Iker Camaño, Arkaitz Areitio eta Aitor Galdos) parte hartzea galearazi zieten. Txirrindulari hauek, ezin izan zuten lehiatu eta kanporatuak izan ziren 23 urte azpiko kategorian hiru urtez egon ez zirelako. Txirrindulariak eguerdiko ordu batean atera ziren 160 km-ko ibilbidea egiteko. Egun honetan, 15 taldetako 123 txirrindularik parte hartu zuten, eta horietatik, 71 amaitu zuten.

1999ko Urkiolako Igoera
Datu orokorrak
Lasterketa	25. Urkiola Igoera
Data	1999.eko abuztuak 8
Luzera	160 km
Herrialdea	Espainia
Irteera-lekua	Durango
Helduera-lekua	Urkiolako santutegia
Emaitzak
Txapelduna	Leonardo Piepoli (Banesto)
Txapeldunordea	Francisco Tomás García (Vitalicio Seguros-Grupo Generali)
Hirugarrena	José María Jiménez (Banesto)
Eskalatzailerik onena	José María Jiménez (Banesto)
Talderik onena	Banesto (txirrindularitza taldea)
◀1998	2000▶
Dokumentazioa

Urte horretan, 15 taldek hartu zuten parte eta txirrindulari ospetsuak lehiatu zuten. Adibidez, Joseba Beloki, Francesco Casagrande (Donostia klasikoko irabazlea), Oscar Camenzind, Aitor Osa eta abar. Piepoli ez etortzekotan zen, baina lasterketaren bezperan, izena eman zuen.

Urkiolako lehenengo pasaeran, Aitor Osa bakarra izan zen. Atzetik, 13 txirrindulari talde bat pasa zen. Piepoli eta José María Jiménez talde honetatik kanpo geratu ziren eta Aitor Osa (Banesto taldekoa) gelditu zen hauek laguntzeko. Lan ona egin ostean, Aitorrek azken ahalegina egin zuen Urkiolako lehenengo aldapan. Berehala harrapatu zuten eta hala ere, zazpigarren postua lortu zuen.

Banesto taldeak, bi txirrindularirekin, abantaila izan zuen azkenengo igoeran eta irabaztea lortu zuen.