1998ko Estatu Batuetako enbaxaden aurkako atentatuak

Ameriketako Estatu Batuek Afrikan zituzten enbaxadei egindako atentatu terroristak 1998ko abuztuaren 7an izan ziren, Nairobin (Kenya) eta Dar es Salaamen (Tanzania). Eraso horien egileak Al-Qaeda talde terroristarekin lotuta zeudenez, Osama bin Laden taldeko liderra FBIko hamar iheslari bilatuenen zerrendan sartu zuten.

1998ko Estatu Batuetako enbaxaden aurkako atentatuak
Mota	Eraso suizida
Data	1998ko abuztuaren 7a
Kokaleku	Embassy of the United States, Nairobi (en) Embassy of the United States, Dar es Salaam (en)
Herrialdea	Kenya eta Tanzania
Pertsona hilak	224
Pertsona zaurituak	4.000
Erantzule	al Kaida Egyptian Islamic Jihad (en)

Nairobiko enbaxadaren aurkako erasoan, gutxienez 213 pertsona hil, horien artean 12 estatubatuar, eta 4.000 eta 5.500 zauritu artean izan ziren.[1] Leherketa bortitzaren ondorioz, erabat suntsituta geratu ziren hiriaren erdialdeko hainbat eraikin handi eta Kenyako ekonomiaren ahultzea.[2]

Gertakariei erantzuteko, 1998ko abuztuaren 20an, Infinite Reach (euskaraz: «Irismen Mugagabea») Operazioa burutu zuten. Misil bidezko eraso baten bidez, Estatu Batuetako Itsas Armadaren gurutzeontzi batetik Al-Qaedak Afganistanen zuen entrenamendu-kanpamentu bat eta Sudango farmazia-lantegi bat suntsitu zituzten. Al Shifa lantegian arma kimikoak egiten zituztela eta Osama bin Laden terrorista arabiarrak kontrolatzen zuela susmatzen zuten.[3]