1983ko Kontxako Bandera
1983ko Kontxako Bandera (Banderaren 88. ekitaldia, garai hartan 81. ekitaldia bezala aurkeztu bazen ere) urte honetako irailaren 9 eta 18an jokatu zen, Oriok bere 25. Kontxako Bandera eskuratu zuen. Istilu handien artean lorturiko garaipen polemikoa izan zen hala ere.
| Datu orokorrak | |
|---|---|
| Antolatzailea | Donostiako Udala |
| Partaideak | 8 |
| Estropadak | 2 estropada |
| Hasiera | 1983ko irailaren 9a |
| Amaiera | 1983ko irailaren 18a |
| Palmaresa | |
| Txapelduna |  Orio |
| Txapeldunordea | Ur-Kirolak |
← 1982 |
1984 → |
Kontakizuna
Kontxako Banderarako Sailkapen estropada 15 traineruk jokatu zuten irailaren 2an, sei gipuzkoarrek, zazpi bizkaitarrek eta bi kantabriarrek. Honetaz gain lehenengo aldiz Donostiako uretan jokatu zen, ordurarte Hondarribian izaten baitzen. Itsaso oso txarra tokatu zen eta traineruek lan handiak izan zituzten estropada bukatzeko.
Saltsa epaileek Oriori zazpigarren postua ematerakoan iritsi zen, itxura guztien arabera bederatzigarrena izan zen arren[1], Fortuna eta Pedreñaren atzetik. Kronometroekin arazoak izan zituztela argudiatu zuten epaileek baina ez zuten atzera egin.
Irailaren 4an lehenengo jardunaldiko lehen txanda jokatzen hastera zihoanean Fortunak trainerua gurutzatu eta irteera oztopatu zuen. Orioren txandakideak ziren Zumaia, Kaiku eta Castrok ere estropada boikoteatzea erabaki zuten protesta gisa. Antolakuntzak estropada bertan behera utzi zuen. Irailaren 9an jokatu zen estropada eta Oriok baino ez zuen arraun egin lehenengo txanda horretan, bost traineruen arteko denbora onena lortuz.
Bigarren jardunaldia irailaren 11rako aurrikusia zegoen baina itsaso txarraren erruz hau ere irailaren 18ra atzeratu zen. Lehiakide gogorrenak falta zirenez Oriok garaipen erraza lortu zuen, bigarren gelditu zen Ur-Kirolaki minutu erdi atereaz.
Donostiarren ordezkaria Ur-Kirolak izan zen, Aste Nagusian jokatu zen traineru donostiarren arteko lehenengo klasifikatorioan Donostia eta Fortuna gainditzeagatik. Iraileko sailkapen estropadan Donostiak ere Kontxako Banderara sailkatzea lortu zuen, eta Fortunaren auzia aurrez azalduta dago.
Parte-hartzaileak
| Talde parte-hartzaileak | ||||||
|---|---|---|---|---|---|---|
| Taldeak | Traineruak | Patroiak | ||||
 Castro Urdiales Donostia Hondarribia Kaiku Orio San Juan Ur-Kirolak Zumaia |
La Marinera Luis Carril Ama Guadalupekoa Bizkaitaŕa San Nikolas Eugenio ta Benito Koruko Ama Telmo Deun |
Santiago López "Vicuña" Gurbian Carlos Eizagirre "Otxote" Norberto Torres "Txirri" Juan Lizarralde "Altxerri" Juan Mari Lujanbio Olegario Iturralde Klaudio Etxeberria "Gorria" | ||||
Emaitzak
| Behin betiko denborak | |||||
|---|---|---|---|---|---|
| Postua | Elkartea | 1. Eguna | 2. Eguna | Denera | Diferentzia |
| 1 | Orio | 20:28:4 | 20:49:3 | 41:17:7 | |
| 2 | Ur-Kirolak | 20:34:5 | 21:12:7 | 41:47:2 | + 0:29:5 |
| 3 | San Juan | 20:34:5 | 21:36:9 | 42:11:4 | + 0:53:7 |
| 4 | Hondarribia | 21:04:5 | 21:49:4 | 42:53:9 | + 1:36:2 |
| 5 | Donostia | 21:09:5 | 21:55:3 | 42:04:8 | + 1:47:1 |
| boikota | Zumaia | ||||
| boikota | Kaiku | ||||
| boikota | Castro Urdiales | ||||
Tripulazio irabazlea
- Orio Arraunketa Elkartea
- Entrenatzailea:
- Patroia: Juan Lizarralde "Altxerri"
- Arraunlariak: Jose Inazio Etxezarreta, J.I. Etxeberria, J.J. Ugarte, Ramon Ugarte, Pedro Mari Zumeta, Jokin Amilibia, JM Zendoia, Ramon Elizondo, Dionisio Redondo, Txomin Etxeberria, Primi Urbieta, Antton Beloki, Juan Jose Zubizarreta, Jose Antonio Makazaga, Juan Daniel Idigoras, Mariano Glez de Txabarri.
Sailkapen estropada
| Postua | Taldea | Denbora |
|---|---|---|
| 1 | Kaiku | 23:44,1 |
| 2 | San Juan | 23:54,3 |
| 3 | Castro | 24:21,3 |
| 4 | Zumaia | 24:22,9 |
| 5 | Ur Kirolak | 24:30,3 |
| 6 | Hondarribia | 24:38,5 |
| 7 | Orio | 25:03,8 |
| 8 | Fortuna | 25:04,8 |
| 9 | Pedreña | 25:26,3 |
| 10 | Algorta | 26:00,3 |
| 11 | Iberia | 26:30,2 |
| 12 | Mundaka | 26:58,8 |
| 13 | Ondarroa | 27:33,8 |
| 14 | Santurtzi | 28:05,2 |
| 15 | Isuntza | 28:06,8 |
