1948ko Udako Olinpiar Jokoak

1948ko Udako Olinpiar Jokoak Udako Olinpiar Jokoen XIV. edizioa izan zen, eta Londresen ospatu zen. 1945ean, Nazioarteko Batzorde Olinpikoak, ofizialki izendatu zuen Londres joko hauetako hiri antolatzaile bezala. Londresek, bigarren aldiz antolatu zituen Olinpiar Jokoak, aurretik, 24 urte lehenago, Parisek egin zuen bezala.

1948ko Udako Olinpiar Jokoak
Irudia
MotaUdako Olinpiar Jokoak
Denbora-tarte1948ko uztailaren 29a - 1948ko abuztuaren 14a
Data1948
Edizio zenbakia14
← 1944
1952 →
KokalekuWembley estadioa (1923)
HerrialdeaErresuma Batua
Partehartzaile kopuru59
4.104
Beste batzuk
Kirol proba olinpiko136
Osatuta
Webguneolympics.com…

12 urteren ondoren, Olinpiar Jokoak ospatu ahal izan ziren. Aurreko bi edizioak, ezin izan ziren ospatu, Bigarren Mundu Gerragatik. Hala ere, bi edizio horiek ez ziren ezeztatu, eta, hortaz, 1948ko edizio honek, XIV. zenbakia eraman zuen.

Soiltasunaren jokoak deituak izan ziren, Ingalaterra, eta, zehazkiago, Londres bera, gerraren kalteetatik suspertzen ari baitzen. Britainiarren artean, izendapen hau ez zen oso ongi hartua izan, bizirautearekin nahikoa baitzuten, joko hauen ospakizunetaz arduratzeke.

Ez ziren superegitura edo estadio handiak eraiki, une horretan zegoena probesten saiatu ziren, kirolariek, gerran zehar kuartel bezala balio izan zuten barrakoietan lo egin behar izateraino.

Wembley estadioa egokitu zen, 100.000 pertsonentzako tokiarekin, atletismo probak hartzeko hautsezko pista bat eraikiz. Tamesis ibaiak, arraunketa eta piraguismoko probak hartu zituen.

Inaugurazio zeremonia, telebistaz igorri zen lehena izan zen, eta 500.000 pertsonek jarraitu zuten.

Arazo guzti hauek gora-behera, nazio parte-hartzaileen errekorra lortu zen, 59 naziorekin. Espero zen bezala, joko hauek nahiko pobreak izan ziren diru aldetik. Kirolari batzuk gerran hil ziren, eta beste batzuek, euren kirol karrerako garairik hoberena galdu zuten, eta ez zituzten prestatzeko baldintzarik hoberenak aurkitu.

Azken lehiaketa eguna, 1948ko abuztuak 7an lortu zen diru gehien, 2.000 $ekin. Estadioan, 86.000 pertsona bilduta zeuden.

Dominak
Postua Estatua Urrea Zilarra Brontzea Guztira
1Ameriketako Estatu Batuak38271984
2 Suedia16111744
3 Frantzia1061329
4 Hungaria1051227
5 Italia811827
6 Finlandia87520
7 Turkia64212
8 Txekoslovakia62311
9 Suitza510520
10 Danimarka57820

Kirolari azpimarragarriak
  • Joko hauetako izarra, etxekoandre herbeheretar bat izan zen, 32 urtekoa eta 2 seme-alaba zituena, Fanny Blankers Koen, lau urrezko domina irabazi zituena, 100 metro, 80 metro oztopo, 200 metro eta 4x100 errelebo probetan.
  • Beste emakume bat, Micheline Oestermeyer frantziarra, ogibide bezala kontzertuko piano-jolea zena, xabalina eta pisu jaurtiketa probetako garailea izan zen.
  • Emil Zátopek txekiarrak, urrea lortu zuen 10.000 metrotan eta zilarra 5.000 metrotan.
  • Lehen aldiz ospatu zen emakumezkoen kanoako proba bat eta Karen Hoff daniarra izan zen garailea.
  • 1936an Berlingo Olinpiar Jokoetan garaile izan ziren bi kirolarik, euren urrezko domina defendatu ahal izan zuten: Ilona Elek hungariarra eskrimako florete proban, eta Jan Brzak txekoslovakiarrak K-2 1.000 metroko proban.
  • Lehen aipaturiko Fanny Blankers Koenek, errekorra ezarri zuen, atletismoko sei probetara aurkeztuz, baina, garai hartako arauak zirela eta, lautan bakarrik parte hartu ahal izan zuen, lehen aipaturikoak.
  • Karoly Tákacsek, pistola tiroko hungariar taldeko partaidea zena eta 1938an txapelduna izan zena, eskuineko eskua galdu zuen, granada batek eztanda egin zionean. Tákacsek, orduan, ezkerreko eskuarekin tiratzeko entrenatu zuen, tiro azkarreko pistola proban urrea lortzea ahalbidetu ziona.

Kirolak

Kasu honetan jokatu ziren kirolak, atletismoa, boxeoa, hockeya, hipika, borroka, igeriketa, pentatloi modernoa, arraunketa, tiro olinpikoa eta bela izan ziren.


Aurrekoa
1944ko Londresko Udako Olinpiar Jokoak		 Aro Modernoko Udako XIV. Olinpiar Jokoak
1948		 Ondorengoa
1952ko Helsinkiko Udako Olinpiar Jokoak

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.