1931ko Italiako Giroa

1931ko Italiako Giroa Itzuli Handi honen 19. edizioa izan zen. 1931ko maiatzak 10 eta 31 artean ospatu zen, 3012 kilometroko ibilbidea eginez 12 etapatan banatuta, garaileak batez beste 29,332 kilometro orduko abiaduran bete zituenak. Lasterketa Milanen hasi eta amaitu zen.

1931ko Italiako Giroa
Datu orokorrak
Lasterketa	19. Italiako Giroa
Etapak	12
Datak	maiatzak 10 – 1931.eko maiatzak 31
Luzera	3.012 km
Herrialdea	Italia
Irteera-lekua	Milan
Helduera-lekua	Milan
Parte-hartzaileak	109
Amaitu dutenak	65
Bataz besteko abiadura	29,33 km/o
Emaitzak
Txapelduna	Francesco Camusso
Txapeldunordea	Luigi Giacobbe
Hirugarrena	Luigi Marchisio
Talderik onena	Legnano-Hutchinson
◀1930	1932▶
Dokumentazioa

109 txirrindularik hasi zuten proba, eta 65ek amaitu zuten.

Edizio honetan lehen aldiz erabili zen sailkapen nagusiko liderra bereizten zuen maillot bat. Maillotaren kolorea arrosa zen, probaren babesle nagusia zen La Gazzetta dello Sport egunkariaren orrialdeetan oinarritua. Lehen maillot arrosa Learco Guerrak jantzi zuen, lehen bi etapatan liderra izan zena.

Alfredo Bindak berriz parte hartu zuen Giroan, eta hirugarren etapan maillot arrosa bereganatu zuen. Baina, 5. etapan jasan zuen erorketa baten ondorioz proba utzi egin behar izan zuen. 10. etapan Luigi Giacobbe eta Francesco Camusso azken garaipenerako gainontzeko faboritoekiko abantaila handia emango zien ihesaldi baten protagonista izan zien. Giacobbek etapa garaipena lortu zuen, baita maillot arrosa bereganatu ere, baina hurrengo eguneko etapan Francesco Camussok Italiako Giroa irabazteko balio izan zion eraso eraginkor bat egin zuen. Giacobbek bigarren amaitu zuen, eta Luigi Marchisiok hirugarren.

Edizio honetan ere, lehen aldiz txirrindulari espainiarrek parte hartu zuten, zehazki Ricardo Montero eta Mariano Cañardok, baina bietako bakar batek ere ez zuen amaitu proba.