Éric Rochant

Éric Rochant
	; Irudi gehiago
Bizitza
Jaiotza	Paris, 1961eko otsailaren 24a (63 urte)
Herrialdea	Frantzia
Hezkuntza
Heziketa	Institut des hautes études cinématographiques (en) ; La Fémis (en)
Hizkuntzak	frantsesa
Jarduerak
Jarduerak	gidoilaria, film-zuzendaria eta telebista zuzendaria
Jasotako sariak	ikusi César Award for Best Fiction Short Film (1988) ; Louis Delluc Prize (1989) : Love Without Pity (en) ; César Award for Best First Feature Film (1990) : Love Without Pity (en) ;

Éric Rochant (Paris, Frantzia, 1961eko otsailaren 24a) zinema-zuzendaria da.

Bizitza

IDHEC Zinema Eskolan lortu zuen zuzendari-diploma, eta film laburrak egiten hasi zen film luzeak egiteko baliabideak eskuratzearren. Film labur haietako batekin, Présence féminine filmarekin (1987, Presentzia femeninoa), hainbat sari eta arrakasta handia lortu zuen, eta horrela hasi zen hurrengo proiektua aurrera ateratzeko lehen harremanak egiten. Hurrengo film hori izan zen Rochantek egindako lehenengo film luzea: Un monde sans pitié (1989, Mundu gupidagabea), zeinetan aztertu baitzuen gazteriaren etsipena eta etorkizun iluna. Film hari esker, bere unibertso propioa sortzea lortu zuen Rochantek, eta, arrakastaz baliaturik, proiektu handi garesti bat proposatu zion Gaumont etxeari: Les patriotes (1994, Abertzaleak ). Oinarri psikologikoko ekintza-filma izan zen hura, nazioarteko espioitzako gertaerak kontagai dituena. Mossad israeldar zerbitzu sekretuaren berri ematen du, eta helburuen eta helburuak lortzeko baliabideen zilegitasunaren inguruko gogoeta proposatzen dio Rochantek ikusleari, gai hori aitzakia harturik.

Film haren ondoren, proiektu handinahiak alde batera utzi, eta hasierako joeretara itzuli zen Anna Oz filmarekin (1996). Orduz geroztik, Total Western (2000) eta L'Ecole pour tous (2006) film luzeak eta Mafiosa, le clan (2008 eta 2010) telesaila egin ditu.

Filmography (director)

1984 - Comme les doigts de la main
1985 - French Lovers
1987 - Présence féminine
1989 - Un monde sans pitié
1990 - Aux yeux du monde
1994 - Les patriotes
1996 - Anna Oz
1997 - Vive la République
2000 - Total Western
2006 - L'Ecole pour tous
2013 - Möbius, Jean Dujardinekin batera

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q2636752
Multimedia: Éric Rochant / Q2636752

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.