Élie Lambert

Élie Lambert
Bizitza
Jaiotza	Baiona, 1888ko apirilaren 10a
Herrialdea	Lapurdi, Euskal Herria
Lehen hizkuntza	frantsesa
Heriotza	Paris, 1961eko apirilaren 24a (73 urte)
Hezkuntza
Hizkuntzak	frantsesa
Jarduerak
Jarduerak	arte-historialaria eta arkeologoa
Kidetza	Académie des Inscriptions et Belles-Lettres

Élie Lambert (Baiona, 1888ko apirilaren 10a - Paris, 1961eko apirilaren 24a) lapurtar arte-historialaria izan zen.

Artearen Historia ikasi zuen Parisko Sorbonan, eta Madrilen osatu zituen ikasketak, Espainiako historiografia goreneko mailan zegoen garaian. Arteko irakasle izan zen gero Madrilen, Caenen eta Sorbonan. Espainiako Erdi Aroko arte kristaua nahiz musulmana ikertu zituen, eta ikerketa horien ondorioz El arte gótico en España en los siglos XII y XIII (1931, Arte gotikoa Espainian XII eta XIII. mendeetan) liburua argitaratu zuen, Espainiako garai horretako artearen historiari buruzko lanik garrantzitsuenetako bat. Lamberten lan ugariren artean aipagarrienak dira: Le style gotique (1943, Estilo gotikoa); L´art en Espagne en au Portugal (1945, Artea Espainian eta Portugalen); La catedral de Pamplona (1951, Iruñeko katedrala); Art musulman et art chrétien dans la Peninsule Ibérique (1958, Arte musulmana eta arte kristaua Iberiar Penintsulan); Le pèlegrinage de Compostelle: études d´histoire médiévale (1959, Compostelako erromesaldia: Erdi Aroko historiari buruzko ikerketak); L´art musulman d´Occident des origines a la fin du XVe siécle (1966, Mendebaldeko arte musulmana hastapenetatik XV. mendearen amaiera arte).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q3587752

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.