Ángel David Rodríguez

Ángel David Rodríguez García, El Pájaro ezizenarekin ezaguna (Madril , 1980ko apirilaren 25a) abiadurazko probetan espezializatutako atleta espainiarra da. 60 metro, 100 metro eta 200 metroko lasterketetan dago espezializatuta. FC Bartzelonako atletismoko sailaren parte da. Pekineko Olinpiar Jokoetan parte hartu zuen 100 eta 200 metroko lasterketetan.

Ángel David Rodríguez
Irudi gehiago
Bizitza
Jaiotzako izen-deiturak	Ángel David Rodríguez García
Jaiotza	Madril, 1980ko apirilaren 25a (43 urte)
Herrialdea	Espainia
Hezkuntza
Hizkuntzak	gaztelania
Jarduerak
Jarduerak	atleta
Atletismoa Kirol diziplinak 60 metroko lasterketa Errekorrak Berezitasuna Irizpidea Data M Marka pertsonalak Berezitasuna Lekua Data M
Parte-hartzailea 2012ko Udako Olinpiar Jokoak
Pisua	66 kilogramo
Altuera	178 zentimetro

Ezizena bere auzoko parkean (Las Nieves, Móstoles) txikitan korrika egiten ikusi zutenetik dator, baxua eta argala zelako eta korrika egitean txori txiki bat zirudielako. Atletismoa Móstoleseko bere ikastetxeko hezkuntza zentroaren eskolaz kanpoko ekintzetan hasi zen praktikatzen eta 12 urte zituenean Fermin Cachok 1992an Bartzelonan urrea irabazten ikusi ondoren, Móstoleseko Atletismo Eskolan izena eman zuen. 18 urte bete arte egongo zen bertako taldean. Aire Libreko 100 metroko junior mailako Espainiako Txapelketa irabazi zuen eta denboraldi horretan 10 "56 marka lortu zuen. Denboraldi bikain horren ondorioz, Puma Chapín Jerez Klubera joan zen. Urte horretan bertan Annecyko (Frantzia) Junior mailako Munduko Txapelketako 4 × 100 m-ko finalean parte hartu zuen. Hurrengo urtean, 19 urte zituela, seigarren izan zen Rigako Junior mailako Europako Txapelketan 100 metroko finalean 10,49ko markarekin. Madrilen Atletismoko 9. Munduko Kopan parte hartu zuen eta 8. izan zen 10.78 denborarekin, zortzigarren ere amaitu zuen Cecilio Maestra, Pedro Pablo Nolet eta Carlos Berlanga taldekideekin 4 x 100 errelebo proban 39.64 denborarekin. 2007an Osakako Munduko Atletismo Txapelketara joan zen eta bertan 100ml-ko bigarren kanporaketara iritsi zen.

2008ko uztailean, Ángel Davidek Espainiako 100 m-tako errekorra lortu zuen, Salamancako Diputazio Sari Nagusian, 10,14 segundoko marka eta 1,7 metro segunduko haizerekin, Venancio José Murtziaren errekorra 4 ehunenetan gaindituz (10,18). Marka horri esker Pekingo Joko Olinpikoetara joan ahal izan zen, A gutxieneko lortuz, eta bigarren kanporaketan kanporatua izan zen, 200ean bezala.

2007/08 denboraldian planetako "txuririk" azkarrena izan zen. 2008ko urrian Puma Chapín Jerez kluba utzi eta FC Bartzelonan fitxatu zuen. 2009ko abuztuaren 1ean eta 2an, Bartzelonan, ospatu zen 89. Espainiako Atletismo Txapelketan txapeldun izan zen hiru probatan, 100, 200 eta 4 × 100 m. 2009ko Berlingo atletismoko munduko txapelketan 100 metroko eta 200 metroko probetan parte hartu zuen, 2. txandan eta 1. txandan kanporatua izan zen hurrenez hurren.