Pri la komunumo

Zumholz estas komunumo en la distrikto Sinĝino en Kantono Friburgo, Svislando. Ĝi havis 421 loĝantojn je la 31-a de decembro 2010.

Geografio

Zumholz situas ĉe la norda marĝeno de la Friburgaj Antaŭalpoj okcidente de la rivero Sinĝino, kiu formas ĝia orientan limon. La komunumo konsistas el la vilaĝo Zumholz, la vilaĝetoj Brand kaj Speisematt, kaj diversaj izolitaj bienoj.^[1]

La teritorio de la komunumo etendiĝas sur areo de 1,89 km², de kiuj 17,8% estas kovritaj de arbaro, 71,2% servas por agrikulturo kaj 7,9% por setlado. ^[2]

Najbaraj komunumoj

La komunumo Zumholz limas en nordo al Alterswil, en oriento al Guggisberg, en sudoriento al Plaffeien, en sudokcidento al Oberschrot, kaj en okcidento al Brünisried.

Trafiko

Tra la komunumo kondukas la kantona ĉefvojo n-ro 177 de Tafers al Plaffeien. La plej proksima alveturejo al la svisa aŭtovojo A12 troviĝas en Düdingen proksimume 10 kilometrojn nordokcidente de la komunumo. Per la buslinio de Friburgo tra Tafers al Plaffeien kaj la lago Schwarzsee la komunumo estas konektita al la publika transportreto.

Historio

Dum mezepoko Zumholf apartenis al la Senjorujo Plaffeien, kiu en la jaro 1442 fariĝis havaĵo de la urba ŝtato Friburgo. Zumholz dokumente menciiĝis la unuan fojon en la jaro 1705. En la jaro 1832 Zumholz konstituiĝis kiel aparta komunumo en la Germana distrikto de Friburgo. Surbaze de la nova konstitucio de 1848 ĝi estis atribuita al la nove kreita distrikto Sinĝino.^[3]

Notoj kaj referencoj

Eksteraj ligiloj

• Oficiala retejo de la komunumo Zumholz Arkivigite je 2006-02-20 per la retarkivo Wayback Machine

Komunumoj de la distrikto Sinĝino Alterswil • Bösingen • Brünisried • Düdingen • Giffers • Heitenried • Oberschrot • Plaffeien • Plasselb • Rechthalten • Schmitten • Sankt-Antoni • Sankt-Silvestro • Sankt-Urso • Tafers • Tentlingen • Ueberstorf • Wünnewil-Flamatt • Zumholz