| Zofia Romaszewska | |
|---|---|
 | |
| Persona informo | |
| Naskiĝo | 17-an de aŭgusto 1940 (83-jaraĝa) en Varsovio |
| Lingvoj | pola |
| Ŝtataneco | Pollando |
| Alma mater | Faculty of Physics of the University of Warsaw |
| Familio | |
| Patro | Stanisław Płoski |
| Patrino | Ewa Prauss-Płoska |
| Edz(in)o | Zbigniew Romaszewski |
| Infano | Agnieszka Romaszewska-Guzy |
| Okupo | |
| Okupo | fizikisto • politika aktivisto |
Irena Zofia Romaszewska (naskiĝis la 17-an de aŭgusto 1940 en Varsovio) – pola socia aktivulino, partoprenantino de demokratia opozicio en la Pola Popola Respubliko; laŭ edukiteco estas fizikistino. Konata kiel kunkreintino de la Radio Solidareco.
Vivkuro
En la jaroj 1959-1963 ŝi studis fizikon ĉe Varsovia Universitato. De 1976 aktive agis en la Komitato de Defendo de Laboristoj (KOR), kies membro estis lia edzo Zbigniew Romaszewski, i.a. organizis helpon por persekutataj laboristoj de Ursus kaj Radom.
De 1977 gvidantino de Interven-Buroo de la Komitato de Socia Memdefendo ĉe KOR, redaktorino de la fako "Praworządność" (Justeco) en Informa Bulteno de la Komitato de Socia Memdefendo KOR. En la jaroj 1980-81 membro de Komisiono pri Interveno kaj Justeco de NSZZ "Solidarność". Ekde enkonduko de la milita stato en Pollando (militleĝo) agis en la subteraj strukturoj de "Solidareco". Arestita julie 1982 kaj kondamnita al 3 jaroj de enkarcerigo; liberigita pro amnestio unu jaron poste, daŭrigis opozician agadon.
En la jaroj 1989-1994 direktorino de Intervena Oficejo ĉe Senato, 1991-1993 - juĝistino de la Tribunalo de Stato. En 2010 parlamenta klubo de Juro kaj Justeco rekomendis ŝin kiel kandidatinon por la funkcio de ombudsmano.
La filino, Agnieszka Romaszewska-Guzy, estas radia kaj televida ĵurnalistino, direktorino de pola satelita televido en la belorusa lingvo.
Distingoj
En 2006, pro rimarkindaj meritoj por sendependeco de Pollando, pro agado favore al demokratiaj ŝanĝoj en la lando, ŝi estis distingita de Prezidento Lech Kaczyński per Granda Kruco de la Ordeno Polonia Restituta. Junie 2007 estis vokita iĝi kanceliero de la Kapitulo de la ordeno. Ŝi rezignis pri la membreco kaj funkcio la 28-an de septembro 2010.
Fontoj
- "Opozycja w PRL. Słownik biograficzny 1956-1989" (Opozicio en la Pola Popola Respubliko. Biografia vortaro 1956-1989), volumo 2. Ośrodek Karta, Warszawa, 2002. ISBN 83-88288-11-3
Eksteraj ligiloj
- Nota biograficzna w Encyklopedii Solidarności Arkivigite je 2017-08-17 per la retarkivo Wayback Machine - Biografio laŭ Enciklopedio de Solidareco