 | Ĉi tiu artikolo temas pri komunumo en kantono Zuriko (mallongigo ZH). Koncerne aliajn signifojn aliru la apartigilon Zell. |
| Zell ZH | |
|---|---|
 Blazono de Zell ZH | |
 Komunuma domo de Zell ZH | |
| komunumo en Svislando | |
| Kantono | Zuriko |
| Distrikto | Vinterturo |
| Koordinatoj | 47° 26′ 57″ N 8° 49′ 25″ O / 47.44917 °N, 8.82361 °O (mapo)Koordinatoj: 47° 26′ 57″ N 8° 49′ 25″ O / 47.44917 °N, 8.82361 °O (mapo) |
| Nombro de loĝantoj | 4938 |
| Areo | 12,70 km² |
| Alteco | 541 m super marnivelo |
| Poŝtkodo | 8487 |
| Komunumkodo | 0231 |
 Mapo de Zell | |
Pri la komunumo
Zell ZH estas komunumo en la distrikto Vinterturo, Kantono Zuriko, Svislando. Ĝi havis 4938 loĝantojn je la 31-a de decembro 2007. La komunumo konsistas el la municipoj Zell, Rikon, Kollbrunn kaj Rämismühle, kaj la setlejoj Oberlangenhard, Unterlangenhard, Lettenberg, Schoren kaj Garten.
Geografio
Zell situas en la Tössvalo en la Zurika Oberlando inter Turbenthal kaj Vinterturo.
Trafiko
Zell situas ĉe la trajnlinio de la Svisaj Federaciaj Fervojoj de Vinterturo tra la Tössvalo al Rüti ZH, kiu estas servita per la regiona trajnlino S26 de la Zurika Trafik-Unio. Zell ZH disponas pri tri stacidomoj ĉe tiu-ĉi linio, nome Kollbrunn, Rikon kaj Rämismühle-Zell.
Historio
La unua skriba mencio de la municipo Zell datiĝas el la jaro 741 kiel Celle en donacdokumento al la Monaĥejo Sankt-Galo. En la 12-a jarcento la posedrajtoj de Zell transiris de la Monaĥejo Sankt-Galo al la Grafoj de Kiburgo. Post la formorto de la familio Kiburgo la novaj posedantoj fariĝis ties heredantoj, la Habsburgoj. Post la Malnova Zurika Milito la tuta Grafejo Kiburgo, al kiu apartenis ankaŭ la municipoj de la hodiaŭa komunumo Zell ZH, estis vendita al la urbo Zuriko.
La politiko Zell ZH en ĝia hodiaŭ formo estiĝis en la jaro 1934 per kuniĝo de la antaŭe sendependaj municipoj kaj setlejoj.
Tibeta Instituto en Rikon
En la vilaĝo Rikon troviĝas la plej granda tibet-budhisma monaĥejo ekster Azio. Ĝi estis fondita en 1968. Ĝi enhavas gravan bibliotekon, temas pri la plej granda post tiu de Dharamsala norde de Barato.
Vidu ankaŭ
Eksteraj ligiloj
| ||||||
