Tiu ĉi artikolo temas pri la provinco Zelando en Nederlando. Samnoma insulo Zelando (dane Sjælland) ekzistas en Danio, kaj malgranda teritorio nomata Selando krome en Britio.

Provinco Zelando
flago de Zelando	blazono de Zelando
provinco de Nederlando
Ĉefurbo	Middelburg
Areo  - Tero  - Akvo	2 933,89 km² 1 787,13 km² 1 146,76 km²
Loĝantaro  - Loĝdenso	381 182 (aŭgusto 2015) 213 loĝ./km²
Kvanto da komunumoj	13
Himno	Zelanda himno
NUTS	NL34
ISO 3166-2	NL-ZE
Oficiala retejo	https://www.zeeland.nl/

Zelando (nederlande: Zeeland) estas provinco en la sudokcidenta parto de Nederlando. La provinco konsistas el kelkaj duoninsuloj kiuj iam estis apartaj insuloj. De tio devenas la nomo Zeeland (litere tradukita: "Marlando"). Middelburg estas la ĉefurbo de Zelando. La devizo de Zelando estas: Luctor et Emergo (mi Luktas kaj Emerĝas).

Zelanda Flandrujo (nederlanda lingvo: Zeeuws Vlaanderen) estas parto de Zelando sude de la elfluofunelo de la rivero Skeldo ĉe la limo al la regiono Flandrujo en Belgujo.

Geografio

La duoninsuloj kaj la iamaj insuloj estas:

• Tholen (iama insulo)
• Sint-Philipsland (duoninsulo)
• Schouwen-Duiveland (iama insulo)
• Noord-Beveland (iama insulo)
• Zuid-Beveland (duoninsulo)
• Walcheren (iama insulo)

Zeeuws-Vlaanderen ne estas insulo aŭ duoninsulo, sed estas parto de Nederlando atingebla nur pere de la Westerscheldetunnel aŭ tra Belgio.

Komunumoj

Provinco Zelando
Borsele | Goes | Hulst | Kapelle | Middelburg | Noord-Beveland | Reimerswaal | Schouwen-Duiveland | Sluis | Terneuzen | Tholen | Veere | Vlissingen
Nederlando | Provincoj | Municipoj