| Vilaĝo en Aŭtonoma Respubliko Krimeo | ||||
| Zaleso ruse Залесье ukraine Залісся krime-tatare Zalesye | ||||
 | ||||
| Apartenas al: | Simferopola distrikto, Perova komunumo | |||
| Koordinatoj: | 44° 53′ N, 34° 6′ O (mapo)44.88694444444434.103055555556Koordinatoj: 44° 53′ N, 34° 6′ O (mapo) | |||
| Averaĝa alto super la marnivelo: | ~430 m | |||
| Areo: | 0,196 km² | |||
| Loĝantaro: | 1085 (laŭ 2001) | |||
| Poŝtkodoj: | 97567 | |||
| Telefonkodo: | +380-652 | |||
| Hor-zono: | UTC+3 | |||
|
Oficiala paĝaro nekonata | ||||
| ||||
| ||||
Zaleso (ruse Залесье, ukraine Залісся, krime-tatare Zalesye) estas relative nova vilaĝo en la Perova komunumo de la Simferopola distrikto (Aŭtonoma Respubliko Krimeo). Laŭ la censo de la jaro 2001 en la vilaĝo loĝis 1085 homoj[1].
Geografio
La vilaĝo situas en la centra parto de la Simferopola distrikto, tuj sude de Simferopolo (kies fakta antaŭurbo ĝi nun estas) en la ravino inter du kuestoj de la Interna montoĉeno de la Krimea montaro. Krom Simferopolo mem la plej proksimaj loĝlokoj al Zaleso estas la vilaĝoj Obrivo, Novonikolajevko, Ukrainko kaj Fontano (ĉiuj tiuj vilaĝoj same kiel Zaleso situas tre proksime al la limoj de Simferopolo).
Historio
La vilaĝo aperis kiel setlejo de agrikulturaj laboristoj de la novkreita sovĥozo komence de la 1950aj jaroj (kvankam la unuaj domoj kaj malgrandaj agrikulturaj entreprenoj aperis ĉi tie, verŝajne, jam en la 1930aj jaroj).
La 8an de septembro 1958 per la decido de la Krimea plenum-komitato la setlejo ricevis statuson de vilaĝo kun la nomo Zalesje (la rusa nomo signifas laŭvorte transarbara loko).
Nuntempo
Laŭ la rezultoj de la tutukrainia censo de la jaro 2001 en la vilaĝo loĝis 1085 homoj[1] (la pli ĝisdataj pritaksoj de la jaro 2009 mencias 1049 loĝantojn[2]). La areo de la vilaĝo estas 19,6 hektaroj, la kvanto de kortoj estas 371[2].
La ĉefa ekonomia branĉo de la vilaĝo estas agrikulturo kaj birdobredado (en la vilaĝo funkcias kelkaj birdofabrikoj). La vilaĝo estas transporte ligita al Simferopolo per la enurbaj busaj linioj.
Referencoj
- 1 2 Oficialaj informoj pri Zaleso en la paĝaro de la ukrainia parlamento (ukraine). Alirita 2013-12-19.
- 1 2 Urboj kaj vilaĝoj de Ukrainio — Krimeo — Perova komunumo (2009) (ruse). who-is-who.ua. Alirita 2013-12-19.
Ligiloj
- Oficialaj informoj pri Zaleso en la paĝaro de la ukrainia parlamento (ukraine). Alirita 2013-12-19.
- Urboj kaj vilaĝoj de Ukrainio — Krimeo — Perova komunumo (2009) (ruse). who-is-who.ua. Alirita 2013-12-19.
|
La loĝlokoj de la Simferopola distrikto | |||
|---|---|---|---|
| Urbotipaj loĝlokoj | |||
| Vilaĝoj: |
Akropolo • Aleksandrovka • Anajurto • Andrusovo • Arkadjevka • Beloglinka • Ĉajkino • Ĉajkovsko • Ĉistenko • Demjanovka • Denisovko • Divnoje • Dmitrovo • Dobro • Donskoje • Druĵno • Dubko • Fersmanovo • Fontano • Gruŝevo • Ĥaritonovka • Ivanovko • Ĵivopisnoje • Ĵuravljovka • Kamiŝinko • Kaŝtanovo • Kizilovo • Kljonovka • Klinovko • Kluĉevoje • Kluĉo • Kolĉugino • Kolodeznoje • Konstantinovko • Krasnaja Zorjka • Krasnoje • Krasnoleso • Krasnovko • Kubanskoje • Kuprino • Kurgannoje • Lazarevko • Lekarstvennoje • Lesnoselo • Levadko • Lozovo • Mazanko • Malenkoje • Meĵgornoje • Mirnoje • Moloĉno • Mramorno • Niĵnekurgannoje • Novij Mir • Novij Sad • Novoandrejevka • Novonikolajevko • Novosjolovka • Novozburjevko • Obrivo • Opuŝko • Partizansko • Peredovoje • Perevalno • Perovo • Pervomajskoje • Petropavlovko • Petrovka • Pionersko • Poĵarskoje • Privolno • Proljotnoje • Prudovoje • Ravnopolje • Radzolje • Rodnikovoje • Skvorcovo • Sofijevka • Solneĉnoje • Solovjovko • Sovĥoznoje • Spokojnoje • Storoĵevoje • Strogonovko • Suĥoreĉje • Sumskoje • Ŝafrannoje • Ŝirokoje • Teplo • Teplovka • Topolno • Triprudno • Trudolubovo • Trudovo • Ukrainko • Ukromnoje • Uroĵajnoje • Verĥnekurgannoje • Veselo • Vinnickoje • Vodnoje • Zaleso • Zareĉno | ||
| Loĝloketoj |
Ajkavano • Davidovo • Ŝkolnoje | ||