| Worben | |
|---|---|
 Blazono de Worben | |
| Blazono de Worben | |
| komunumo en Svislando | |
| Kantono | Berno |
| Administra distrikto | Seeland |
| Malnova distrikto ĝis 2009 | Nidau |
| Koordinatoj | 47° 6′ 0″ N 7° 17′ 35″ O / 47.10000 °N, 7.29306 °O (mapo)Koordinatoj: 47° 6′ 0″ N 7° 17′ 35″ O / 47.10000 °N, 7.29306 °O (mapo) |
| Nombro de loĝantoj | 2260 |
| Areo | 2,80 km² |
| Alteco | 438 m super marnivelo |
| Poŝtkodo | 3252 |
| Komunumkodo | 0755 |
 Mapo de Worben | |
| Mapo de Worben | |
Worben estis ĝis la 31-a de decembro 2009 komunumo de la distrikto Nidau kaj ek de la 1-a de januaro 2010 komunumo de la administra distrikto Seeland en Kantono Berno, Svislando. Ĝi havis 2260 loĝantojn je la 31-a de decembro 2010.
Geografio
Worben situas en la Berna Lagolando proksimume 7 kilometrojn norde de la urbo Bielo, al kies aglomeraĵo ĝi apartenas. La sudorientan limon de la komunumo formas la malnova fluejo de la rivero Aro. La komunumo konsistas el la vilaĝoj Worben, Oberworben kaj Unterworben, kaj la kvartaloj Tribey kaj Fischerei-Park. La komunumo disponas pri varmakva kuracbanejo.[1]
La teritorio de la komunumo etendiĝas sur areo de 2,80 km², de kiuj 7,5% estas kovritaj de arbaro, 62,1% servas por agrikulturo kaj 29,3% por setlado. [2]
Najbaraj komunumoj
La komunumo Worben limas en nordo al Studen, en oriento al Lyss, en sudo al Kappelen, kaj en okcidento al Jens.
Trafiko
Tra Worben pasas la kantona ĉefvojo n-ro 6 de Bielo al Berno. La plej proksima alveturejo al la svisa aŭtovojo A6, kiu pasas laŭlonge de la orienta komunumlimo, troviĝas unu kilometro norde de la komunumo en Studen. Per la loka busreto de la urbo Bielo la komunumo estas bone konektita al la publika transportreto.
Historio
La unua dokumenta mencio de Worben datiĝas el la jaro 1228 kiel Worbun en donacdokumente de bieno al la Monaĥejo Frienisberg.[3] Worben dum mezepoko apartenis al la Grafoj de Nidau-Neŭŝatelo kaj kun la Insulgovio en la jaro 1398 fariĝis havaĵo de la urba ŝtato Berno.[4]
Vidu ankaŭ
Notoj kaj referencoj
- ↑ Fonto: Reta mapo 1:20000 de Swisstopo
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Teksto pri la historio de Worben en la retejo de la komunumo Arkivigite je 2013-04-28 per la retarkivo Wayback Machine
- ↑ Fonto: Anne-Marie Dubler: Insulgovio en Historia Leksikono de Svislando (2008-01-23)
Eksteraj ligiloj
- Vidu ankaŭ en la Vikimedia Komunejo la kategorion Worben – (Kolekto de bildoj kaj plurmediaj dosieroj)
| ||||||
| ||||||
