Walther Wenck
Persona informo
Naskiĝo 18-an de septembro 1900 (1900-09-18)
en Wittenberg
Morto 1-an de majo 1982 (1982-05-01) (81-jaraĝa)
en Bad Rothenfelde
Mortokialo trafikakcidento
Tombo Bad Rothenfelde
Lingvoj germana
Ŝtataneco Germanio
Subskribo Walther Wenck
Okupo
Okupo oficiro

Walther WENCK (18a de septembro 1900 – 1a de majo 1982) estis la plej juna Generalo de branĉo (General der Truppengattung) en la Germana Armeo kaj stabanara oficiro dum la Dua Mondmilito. Fine de la milito, li komandis la Germanan 12an Armeon kiu partoprenis en la Batalo de Berlino.[1]

Historiistoj konsideras Wenck kapabla komandanto kaj brila improvizanto, sed malkapabla plenumi la maleblan taskon savi Berlinon en 1945.[2][3][4]

Militagado

La 13an de februaro 1945, post longa diskuto, Guderian konvinkis Hitler fari Wenck stabanestro de la Armegrupo Vistula (kun la povo lanĉi atakon) sub estro de Heinrich Himmler.[5] La atako de Wenck estis dekomence sukcesa, sed Hitler postulis, ke li venu ĉiutage al Führer kio devigis lin fari ĉiutagan veturon de 200 mejloj. La 14an de februaro 1945, tre laca Wenck ekŝoforis anstataŭ sia pli laca ŝoforo Dorn kiu estis elĉerpita. Wenck endormiĝis ŝofore kaj okazis akcidento surŝosee. Savita de Dorn, li venis al hospitalo kun rompitaj kranio kaj kvin ripoj. Dume, la atako malsukcesis.[6]

La 22an de aprilo la 12a Armeo de Wenck iĝis la lasta espero de Hitler por savi Berlinon. Wenck ricevis ordonon forgesi pri la usonanoj okcidente kaj atakante orienten, ligiĝi kun la 9a Armeo de la Generalo de Infanterio Theodor Busse. Kune, ili atakus la sovetojn kiuj ĉirkaŭis Berlinon el okcidento kaj sudo. Dume, la 41a Panzer Korpuso de la Generalo Rudolf Holste atakus la sovetojn el la nordo. La fortoj de Wenck ja atakis al Berlino, sed ili estis haltigitaj ekster Pocdamo per forta soveta rezisto. Nek Busse nek Holste faris multan progreson al Berlino. Fine de la 27a de aprilo, la sovetaj fortoj ĉirkaŭantaj Berlinon ligiĝis kaj la fortoj ene de la urbo estis izolitaj.

Posta vivo

Wenck estis kaptita prizonulo fare de la Usona Armeo. Li estis liberigita en 1947, kaj Wenck poste havis duan karieron kiel industriisto. Dum la 1950-aj jaroj, Wenck laboris kiel administra direktoro de Dr. C. Otto & Comp., nome produktanto de industriaj fornoj, kaj en la 1960-aj jaroj kiel direktoro de Diehl Group, armilfabrikanto.[7]

Li estis invitita iĝi Ĝenerala Inspektisto de la Bundeswehr, sed li malakceptis ĉar oni ne akceptis liajn prirangajn postulojn.[8][9] La 1an de majo 1982, Wenck mortis dum veturo en Aŭstrio, kiam lia aŭto frapis kontraŭ arbo.

Bibliografio

  • Beevor, Antony (2002). Berlin, The Downfall 1945. Viking.
  • O'Reilly, Bill; Dugard, Martin (2014). Killing Patton: the strange death of World War II's most audacious general. Henry Holt and Company, New York. ISBN 978-0-8050-9668-2. OCLC 881469212.
  • Patzwall, Klaus D.; Scherzer, Veit (2001). Das Deutsche Kreuz 1941 – 1945 Geschichte und Inhaber Band II. Norderstedt, Germanio: Verlag Klaus D. Patzwall. ISBN 978-3-931533-45-8.
  • Ryan, Cornelius (1966). Last Battle. New York: Simon and Schuster. p. 443.
  • Scherzer, Veit (2007). Die Ritterkreuzträger 1939–1945 Die Inhaber des Ritterkreuzes des Eisernen Kreuzes 1939 von Heer, Luftwaffe, Kriegsmarine, Waffen-SS, Volkssturm sowie mit Deutschland verbündeter Streitkräfte nach den Unterlagen des Bundesarchives. Jena, Germanio: Scherzers Militaer-Verlag. ISBN 978-3-938845-17-2.

Referencoj

  1. ↑ O'Reilly & Dugard 2014.
  2. ↑ Mitcham 2012, p. 167.
  3. ↑ Mcateer, Sean M. (2009). 500 Days: The War in Eastern Europe, 1944-1945. Dorrance Publishing. p. 338. ISBN 9781434961594. Alirita la 13an de februaro 2019.
  4. ↑ O'Reilly 2014, p. 248.
  5. ↑ Tully, Andrew (1963). Berlin: The Story of a Battle. eNet Press. pp. 67–68. ISBN 9781618867285. Alirita la 13an de februaro 2019.
  6. ↑ Mitcham Jr., Samuel W.; Mueller, Gene (2012). Hitler's Commanders: Officers of the Wehrmacht, the Luftwaffe, the Kriegsmarine, and the Waffen-SS. Rowman & Littlefield Publishers. p. 169. ISBN 9781442211544. Alirita la 13an de februaro 2019.
  7. ↑ DER SPIEGEL 19/1982 - GESTORBEN - Walter Wenck Arkivigite je 2016-03-07 per la retarkivo Wayback Machine Alirita la 13an de februaro 2019.
  8. ↑ Bradley, Dermot (1985). Walther Wenck, General der Panzertruppe. Biblio. p. 399. ISBN 9783764814595.
  9. ↑ "GESTORBEN Walter Wenck" (DER SPIEGEL 19/1982). Arkivigite je 2016-03-07 per la retarkivo Wayback Machine 10a de majo 1982.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.