Volavérunt estas hispana filmo de 1999 reĝisorita de Bigas Luna. Stelulis Aitana Sánchez-Gijón, Penélope Cruz, Jordi Mollà kaj Jorge Perugorría, inter aliaj. La filmo estas bazita super la samnoma romano de Antonio Larreta, al kiu estis atribuita la Premio Planeta en 1980.

La filmo estis prezentita ene de la oficiala parto de la Donostia Internacia Filmfestivalo en 1999. Tiukadre Aitana Sánchez-Gijón atingis la Arĝentan Konkon al la plej bona aktorino pro tiu filmo.

Intrigo

La 23an de julio 1802, la Dukino de Alba, la plej riĉa kaj libera virino siatempe, proponas feston por inaŭguri sian novan palacon. La ĉeestantaro estas eksterordinara: la unua ĉefministro Manuel Godoy, la pentristo Francisco de Goya kaj Pepita Tudó, amantino de Godoy kaj modelo de Goya de lia plej fama pentraĵo La maja desnuda. Sekvamatene, la Dukino de Alba aperas mortinta en sia lito laŭ misteraj cirkonstancoj. Ŝi estis 40-jaraĝa.

Geaktoraro kaj roluloj

• Aitana Sánchez-Gijón kiel Dukino de Alba.
• Penélope Cruz kiel Pepita Tudó.
• Jordi Mollà kiel Manuel Godoy.
• Jorge Perugorría kiel Francisco de Goya.
• Stefania Sandrelli kiel Maria Luiza de Parmo, reĝedzino de Hispanio.
• Carlos La Rosa kiel Karolo la 4-a de Hispanio.
• Olivier Achard kiel Grognard.
• Jean-Marie Juan kiel Carlos Pignatelli.
• Ayanta Barilli kiel Dukino de Osuna.
• Alberto Demestres kiel Isidoro Maiquez.
• Chema Mazo kiel policestro de Madrido.
• Pepón Gil Zarzana kiel figuranto.
• Georgina Tapbioles kiel Niña Pepona.

Komentoj

• La buĝeto de la filmo, unu de la plej altaj en la historio de la hispana kino, ascendis ĝis 1 200 milionoj de pesetoj.
• La titolo Volavérunt (en latino Ili forflugis) estas aludo al gravuraĵo nº 61a de la serio Los caprichos de la hispana pentristo Francisco de Goya, kiu montras flugantan damon subtenita de enigmajn estaĵojn.

Referencoj

• En tiu ĉi artikolo estas uzita traduko de teksto el la artikolo Volavérunt (película) en la hispana Vikipedio.