| Villafranca Montes de Oca | |||
|---|---|---|---|
 | |||
| municipo en Hispanio | |||
|
|
| ||
| Flago | Blazono | ||
| Administrado | |||
| Poŝtkodo | 09257 | ||
| En TTT | Oficiala retejo [+] | ||
| Demografio | |||
| Loĝantaro | 117 (2023) [+] | ||
| Loĝdenso | 2 loĝ./km² | ||
| Geografio | |||
| Geografia situo | 42° 23′ N, 3° 19′ U (mapo)42.386388888889-3.3091666666667Koordinatoj: 42° 23′ N, 3° 19′ U (mapo) [+] | ||
| Alto | 948 m [+] | ||
| Areo | 52,45 km² (5 245 ha) [+] | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo Villafranca Montes de Oca [+] | |||
Villafranca Montes de Oca [biljaFRANkca montesdeOka] estas loĝloko kaj municipo en la centroriento de la provinco Burgoso, en la regiono Kastilio-Leono, Hispanio. Ĝi apartenas al la okcidento de la komarko Montes de Oca.
Geografio
Ĝia municipa teritorio okupas totalan areon de 52,45 km² kaj laŭ la demografia informo de la municipa censo fare de la INE en 2021, ĝi havis 115 loĝantojn. Ĝi perdis loĝantojn dum la 20-a jarcento pro migrado al urbaj areoj, kiel ja okazis en multaj loĝlokoj de la regiono.
Ĝi distas 34 km de Burgoso, provinca ĉefurbo, de Logroño 78 km (oriente). Aliaj proksimaj lokoj estas Briviesca (25 km norde) kaj Belorado (11 km oriente). Villambistia kaj Tosantos estas pli proksime.
la loĝlokon de sudo norden estas la rivero Oca, rekta alfluanto de la grandrivero Ebro. En flaŭro menciindas kverkoj, pinoj, fagoj, poploj kaj lanmespiloj; naturaj bestoj estas aproj, perdrikoj, kapreoloj, anasoj kaj kunikloj.
Historio
Ĝi estis fondita kiel Auca fare de la romianoj. La areo apartenis unue al la Regno Kastilio. En Mezepoko okazis reloĝado fine de la 9-a jarcento iom pli norden. En la ruinoj de la Ermitejo de San Felices (1 km norde de la aktuala urba kerno), oni diras, ke estas entombigita la fondinto de la urbo Burgoso, nome Diego Porcelos. Villafranca estis sidejo de episkopo, ĝis ties translokigo al Gamonal, aktuale kvartalo de Burgoso, en 1075.
Villafranca Montes de Oca formis parton de la Hermandad de Villafranca Montes de Oca en la partido Juarros inter 1785 kaj 1833, kiel registrita en la Censo de Floridablanca de 1787. Ĝi havis reĝlandan jurisdikcion super dek du loĝlokoj.
Aktualo
Tradiciaj enspezofontoj estis agrikulturo (cerealoj), forstado kaj brutobredado (ŝafoj). Lastatempe plej ekgravis kultura kaj rura turismo, ekzemple piedirado tra naturaj lokoj. Inter vidindaĵoj menciindas la preĝejo (kun baptujo el konko de Giganta tridakno) kaj la ermitejo.