Viktoro Emanuelo la 2-a
Reĝo de Italio
Regado	17-a de marto 1861 - 9-a de januaro 1878
Antaŭulo	Karlo Alberto de Savojo vd
Sekvanto	Umberto la 1-a
Kronado	17-a de marto 1861
Persona informo
Vittorio Emanuele II
Naskonomo	Vittorio Emanuele Maria Alberto Eugenio Ferdinando Tommaso di Savoia
Naskiĝo	14-a de majo 1820 en Torino, Regno de Sardio
Morto	9-a de januaro, 1878 en Romo, Itala reĝlando
Mortis per	malsano vd
Tombo	Panteono de Romo
Religio	katolikismo vd
Lingvoj	itala vd
Ŝtataneco	Reĝlando Italio vd
Subskribo
Memorigilo
Familio
Dinastio	Savoja dinastio
Patro	Karlo Alberto de Savojo
Patrino	Maria-Terezo de Aŭstrio-Toskanio
Gefratoj	Ferdinando de Savojo vd
Edz(in)o	Adelaido de Aŭstrio
Infanoj	Klotildo Umberto la 1-a Amadeo Odono Maria-Pio Karlo-Alberto Vittorio Emanuele Vittorio Emanuele
Profesio
Okupo	politikisto • monarko • suvereno vd
Postenoj Postenoj Reĝo de Italio • reĝo de Sardio kaj duko de Savojo • Head of the House of Savoy vd
Honorigoj Honorigoj Kavaliro de la Ordeno de la Ora Ŝaffelo • Médaille militaire • Ordeno de Sankta Aleksandro Nevskij • Ordeno de Sankta Andreo • Grand Master of the Order of the Most Holy Annunciation • Civila ordeno de Savojo • Ordeno de la Ĝartero • Knight of the Order of Saint Joseph • Reĝa ordeno de la Serafoj • Elefant-ordeno • Reĝa ordeno de Kamehameha la 1-a • Q1572166 • Grand Master of the Order of Saints Maurice and Lazarus • Honorary Doctorate from the National Autonomous University of Mexico • Commemorative medal of the 1859 Italian Campaign • Ordeno de la Nigra Aglo • Kavaliro de la Ordeno de Sankta Aleksandro Nevskij • Q121859792 • Medalo de Oro por Valoro Milita • Ordeno de la Ora Ŝaffelo • Reĝa ordeno de Sankta Stefano de Hungario • Granda Kordono de la Ordeno de Leopoldo • Silver Medal of Military Valour • Grand Master of the Order of the Crown of Italy vd
vd	Fonto: Vikidatumoj

Viktoro Emanuelo la 2-a (itale Vittorio Emanuele II di Savoia "il Re Galantuomo") naskiĝis la 14-an de marto 1820 en la tiama ĉefurbo de la Savojaj Ŝtatoj, Torino, kaj mortis en Romo la 19-an de januaro 1878. Li estis reĝo de Sardio (de la 23-a de marto 1849) kaj de 1861 unua reĝo de Italio.

Biografio

Viktoro Emanuelo estis la unue-naskito de Karlo Alberto de Savojo-Karinjano kaj de la granda dukino Maria-Terezo de Aŭstrio-Toskanio. Li naskiĝis en la palaco de sia patra familio en Torino, de kie la patro prenis lin al Florenco, kie li pasigis siajn unuajn jarojn. Li estis edukita pliparte en la franca lingvo, kio eble kaŭzis lian simpation al Francio.

Flago de Italio 1861–1946

Li partoprenis en la Unua Itala Sendependeca Milito kontraŭ Aŭstrio-Hungario sub ordono de sia patro kaj poste en la malvenko de Novara (23-a de marto 1849); pro la sekva abdiko de sia patro li ekhavis la respondecon pri sia regno; li iĝis princo de Piemonto, duko de Savojo kaj reĝo de Sardio. Lia forta rolo en la intertraktado kun la aŭstria marŝalo Radetzky mildigis la humiligon de Piemonto post la malvenko.

Kontraŭe li mem humiligis kaj detruis Ĝenovon, kiu estis ribelinta al la Sardia Regno ("Sabaŭda Regno") kaj pro tio estis sieĝata, bombadata kaj fine lasita al la rabado fare de la pafistoj de generalo Alfonso La Marmora, revenantaj de la malvenko. Viktoro Emanuelo, ĝojigita pro la repreno de Ĝenovo, skribis en aprilo 1849 franclingvan leteron al La Marmora, en kiu li nomis la sendependeman popolon de Ĝenovo "neinda kaj naŭza bando de kanajlo" (vile et infecte race de canailles).

En 1859 li en la Dua Itala Sendependeca Milito perforte haltigis Giuseppe Garibaldi, kiu estis konkerinta la sudon de Italio, kaj malhelpis lin ataki Romon, kiun protektis la franca imperiestro Napoleono la 3-a.

En 1861 li estis proklamita la unua reĝo de ekestanta Italio, kaj iĝis simbolo de la nova sendependeco. Kun alia, kultura simbolo de sendependeco, la komponisto Giuseppe Verdi, la popolo ligis lin klarigante ties nomon akronimo de la reĝa nomo: "Viktoro Emanuelo Reĝo De Italio".

En 1866 li gvidis la Trian Italan Sendependecan Militon, batalante flanke de Prusio kontraŭ Aŭstrio-Hungario; rezulto estis la aneksado de Venetio al Italio. Post vana provo pace solvi la krizon pri Romo li profitis la malvenkon de Francio en la francia-prusia milito (1870-1871); li subtenis, kvankam kun hezito, la kampanjon de la pafistoj kontraŭ Porta Pia, je la 20-a de septembro 1870, kaj solene eniris Romon la 2-an de julio 1871.

Viktoro Emanuelo restis reĝo ĝis sia morto en 1878, kaj poste lia filo Umberto la 1-a heredis la Domestrecon de Savojo.

Esencan organizan subtenon en la sendependiĝo li spertis de siaj ministroj kaj konsilistoj Massimo D'Azeglio kaj Camillo Benso di Cavour.

Idaro

Li edziĝis en Stupinigi je la 12-a de aprilo 1842 kun la granda dukino Adelaido de Aŭstrio (1822-1855), kaj ili havis 8 gefilojn :

• Klotildo (Ludovica Teresa Maria Clotilda 1843-1911).
• Umberto la 1-a (Umberto I Rainerio Carlo Emanuele Giovanni Maria Ferdinando Eugenio 1844-1900), estonta 2-a reĝo de Italio.
• Amadeo (Amedeo Ferdinando Maria 1845-1890), duko de Aosto kaj estonta reĝo de Hispanio.
• Odono (Oddone Eugenio Maria 1846-1866), duko de Montferato.
• Maria-Pio (Maria Pia 1847-1911), edzino de la reĝo de Portugalio Ludoviko la 1-a (1838-1889).
• Karlo-Alberto (Carlo Alberto 1851-1854), duko de Chablais.
• Vittorio Emanuele (1852).
• Vittorio Emanuele (1855).

Post la morto de sia edzino, li edziĝis denove sed "morganate" en Romo je la 7-a de novembro 1869 kun sia amorantino, la kantistino Rosa Teresa Vercellana Guerrieri (1833-1885), kiu naskis al li 5 gefilojn :

• Emanuele Filiberto Guerrieri (1851-1894), unua grafo de Mirafiori e Fontanafredda.
• Vittorio Emanuele Guerrieri (1848-1905), dua grafo de Mirafiori e Fontanafredda.
• Donato Etna (1858-1938).
• Vittorio Emanuele Rho-Guerriero (1861- ?).
• Maria Pia Rho-Guerriero.

Savoja Blazono post 1831

Eksteraj ligiloj

• Artikoloj de Vikipedio en la lingvoj franca kaj Itala
• Arkivejoj de Savojo Arkivigite je 2006-11-29 per la retarkivo Wayback Machine en la franca lingvo
• Genealogio de la savoja dinastio

Savoja dinastio Grafoj de Savojo (1027-1416) Umberto la 1-a, Blanka mano • Amadeo la 1-a, la vosto • Odono • Petro la 1-a • Amadeo la 2-a • Umberto la 2-a, la dika • Amadeo la 3-a • Umberto la 3-a, la beatulo • Tomaso la 1-a • Amadeo la 4-a • Bonifacio • Tomaso la 2-a • Petro la 2-a • Filipo la 1-a • Amadeo la 5-a, la granda • Eduardo la liberala • Ajmono • Amadeo la 6-a, la verda grafo • Amadeo la 7-a, la ruĝa grafo • Amadeo la 8-a, la pacema, depost 1416 duko de Savojo Dukoj de Savojo (1416-1720) Amadeo la pacema • Ludoviko la pli aĝa • Amadeo la 9-a, la beatulo • Filiberto la 1-a, la ĉasisto • Karlo la 1-a, la batalanto • Karlo la 2-a Johano Amadeo • Filipo la 2-a senlanda • Filiberto la 2-a, la bela • Karlo la 3-a, la bona • Emanuelo Filiberto fera kapo • Karlo Emanuelo la 1-a, la granda • Viktoro Amadeo la 1-a • Francisko Jacinto • Karlo Emanuelo la 2-a • Viktoro Amadeo la 2-a, depost 1720 reĝo de Sardio Reĝoj de Sardio (1720-1860) Viktoro Amadeo la 2-a • Karlo Emanuelo la 3-a • Viktoro Amadeo la 3-a • Karlo Emanuelo la 4-a • Viktoro Emanuelo la 1-a • Karlo Felikso • Karlo Alberto • Viktoro Emanuelo la 2-a, depost 1861 reĝo de Italio Reĝoj de Italio (1861-1946) Viktoro Emanuelo la 2-a (1861-1878) • Umberto la 1-a (1878-1900) • Viktoro Emanuelo la 3-a (1900-1946) • Umberto la 2-a (1946)