Kiel legi la taksonomion Verdpego
Griza pego de genro Verdpego
Biologia klasado
Regno: Animaloj Animalia Filumo: Ĥorduloj Chordata Klaso: Birda klaso Aves Ordo: Pegoformaj birdoj Piciformes Familio: Pegedoj Picidae Linnaeus 1758 Genro: Verdpego Picus Specio: laŭ taksonomia ordo Picus mineaceus Picus chlorolophus Picus puniceus Picus flavinucha Picus mentalis Picus viridanus Picus vittatus Picus xanthopygaeus Picus squamatus Picus awokera Picus viridis Picus vaillantii Picus rabieri Picus erythropygius Picus canus
Aliaj Vikimediaj projektoj

Pegoj aŭ Verdpegoj (science Picus) estas genro de birdoj de familio pegedoj. Membroj de ĝi vivas en Eŭropo, Azio kaj Norda Afriko.

Ili estas grandaj pegedoj kun verdetan koloron ĉefe en supraj partoj. Multaj havas ankaŭ ruĝajn aŭ nigrajn markojn en kapo ĉefe ĉirkaŭ la beko aŭ en krono. Ili havas sufiĉe fortan kolon.

Ili troviĝas kutime en arbaroj aŭ en malferma arbara regiono, sed tiu genro ne estas tiom nepre arbareca ol aliaj en la familio de Pegedoj. Iliaj nestoj estas kutime en kavoj de arbotrunkoj aŭ en fortaj arbobranĉoj, kie ili demetas blankajn ovojn, rekte sur lignaj eroj de preparado de kavo.

Ili estas insektomanĝuloj, kelkaj specioj estas specialistoj por manĝado de formikoj aŭ termitoj, kiujn povas ekpreni per longaj langoj kaj alglui per salivo. Ofte ili manĝas sur la tero ĉe formikejoj aŭ termitejoj kiuj parte detruas.

Specioj en taksonomia ordo

• Vermiljona pego, Picus mineaceus
• Malgranda flavnukulo, Picus chlorolophus
• Karmezinflugila pego, Picus puniceus
• Flavnuka verdpego, Picus flavinucha
• Strigorĝa pego , Picus mentalis
• Stribrusta pego, Picus viridanus
• Punta pego, Picus vittatus
• Skvambrusta pego, Picus xanthopygaeus
• Skvampego, Picus squamatus
• Japana verdpego, Picus awokera
• Verda pego, Picus viridis
• Vaijanta pego, Picus vaillantii
• Rugkola verdpego, Picus rabieri
• Nigrakapa verdpego, Picus erythropygius
• Griza pego, Picus canus

En Esperanto

Marjorie Boulton kolektas tradician popolrakonton el Rumanio pri la mita deveno de pegoj. Laŭ tiu, Dio volis puni scivolemon de longnaza maljunulino kaj donis al ŝi sakon plenplena de zumantaj insektoj, vespoj, kuloj ktp., kun rekomendo nemalfermi ĝin, sed tion ŝi ne kapablis, malfermis la sakon kaj la tuta insektaro fuĝis; ŝi klopodis remeti ili en la sakon, sed tio tute maleblis. Do, Dio konvertis ŝin en pego, kiu ankoraŭ serĉas insektojn tra la arbotrunkoj.^[1]

Notoj

Referencoj

(angle)

• Grimmett, Inskipp kaj Inskipp, Birds of India ISBN 0-691-04910-6
• Mullarney, Svensson, Zetterstrom kaj Grant, Collins Bird Guide ISBN 0-00-219728-6