Verdkata Testamento
Verdkata Testamento
Verdkata Testamento
AŭtoroRaymond Schwartz
Eldonjaro1926
UrboParizo
EldonintoEsperantista Centra Librejo
Paĝoj126

Verdkata Testamento [1][2] estas originale Esperantlingve verkita 126-paĝa poemaro de Raymond Schwartz, eldonita en 1926 ĉe Esperantista Centra Librejo. Estas represo el la jaro 1974. Ekzistas ankaŭ KD-versio de la libro, voĉlegita de Stano Marček kaj eldonita de li en 2010. La kolektaĵo origine estis sceneja materialo por la siatempe tre renoma esperanta kabaredo Verda Kato en la bohema kvartalo Montmartre de Parizo en la 1920-aj jaroj.

Recenzoj

Citaĵo
„ Kia lerteco en la versfarado, kia ĵonglado kun la vortoj, kiaj neatenditaj vortludoj! Ĉu mokataj estas abstinenco, ĉu virino, ĉu aliaj aktualaĵoj, ĉiam en perfektaj versoj senmanke ritmitaj kaj rimitaj, la aŭtoro ĉizis senĝene siajn juveletojn. ”
— 1926, Georges Stroele, Esperanto, paĝo 136; Historio Esperanto II, paĝo 606
Citaĵo
„ Mirinda Esperantigo de la franca sprita literaturo petolema, kelkfoje iom «riska». Malbonhumoraj samideanoj tuj mendu kaj legu la libron! Tiuj kiuj dubas ankoraŭ, ke Esperanto estas vivanta lingvo, studu la kolekton de gajigaj versoj de Schwartz, kiuj estas vera ĉefverko en sia speco. ”
— Belga esperantisto n147 (maj 1927)

Referencoj

  1. ↑ Stojan, Petro 1929 : Bibliografio de Internacia Lingvo, numero 4807, paĝo 403
  2. ↑ tiele literumita ĉe Sutton, Geoffrey 2008 : Original Literature of Esperanto, Mondial, New York, ISBN 978 1 59569 090 6, paĝo 131; en Historio de Esperanto (Léon Courtinat), paĝo 606, kaj en Enciklopedio de Esperanto.

Vidu ankaŭ

Eksteraj ligiloj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.