 Kiel legi la taksonomion | ||||||||||||||
|---|---|---|---|---|---|---|---|---|---|---|---|---|---|---|
 Kamomilo | ||||||||||||||
| Biologia klasado | ||||||||||||||
| ||||||||||||||
| Matricaria recutita L. | ||||||||||||||
Aliaj Vikimediaj projektoj | ||||||||||||||
La ordinara aŭ kuraca kamomilo aŭ simple kamomilo (scienca nomo Matricaria recutita L.; aliaj nomoj uzitaj Matricaria chamomilla auct., Chamomilla recutita (L.) Rauschert) estas plantospecio el la familio asteracoj, ĝi ankaŭ nomiĝas vera kamomilo por facile distingi ĝin inter la aliaj kamomiloj.
Kamomilo estas unujara, saltolera kuracplanto, kiu disvastiĝis kiel promenherbo de tritiko en tuta Eŭropo kaj poste en norda Ameriko kaj Aŭstralio.
Kamomilo estas unu el la plej konataj kuracplantoj: ĝian kuracefikon oni konis jam en la antikvaj Egiptio kaj Grekio. Ĝi aperas en verkoj de Plinio kaj Dioskorido kiel plej grava kuracherbo, greke χαμαίμηλον (ĥamaimelon), latine chamaemelon.
En herbokuracado, infuzaĵo de sekigitaj floraroj de kamomilo estas uzata kiel trankviliga, kontraŭspasma, stomakfortiga, digesthelpa, ŝvitiga kaj malinfekta trinkaĵo. Oni uzas ĝin ankaŭ por trankviliga okulkovrado, gorĝogargaro kaj fortigo de gingivo.
Sekigita kamomila infloresko entenas 0,4–1,5 % da vaporiĝemaj oleoj, kies ĉefa komponanto estas azuleno. Krome, toviĝas en ĝi la senspasmiga apigenin-kolino kaj aldone eĉ glikozidoj, tanacido, amaraĵo, diversaj acidoj, polisaĥaridoj, C-vitamino kaj flavonoidoj.
La koloro de kamomila oleo - depende de kvanto de la senkolora prokamazuleno (matricino) en la infloresko - estas malhelblua, verdeta aŭ bruneta. La prokamazuleno transformiĝas je distilo aŭ infuzo al blua kamazuleno, kiu estas la plej grava kontraŭinflama efikaĵo de kamomilo.
Kulturo
Kamomilo estas unujara, havas tigon altaj je 25 ĝis 50 centimetroj kaj maldikajn foliojn. Ĝiaj floroj similas blankajn lekantetojn. Planto de modera klimato, ĝi bonfartas en malvarmetaj lokoj, plena suno kaj drenita argilo-sabla grundo.
Kuriozaĵoj
Oni diras, ke kamomilo vokas monon se plantata ĉirkaŭ domo. Ĝi ankaŭ forigas envion kaj simbolas prosperon. Ĝia esenca oleo estas trankviliga kaj efikas kontraŭ fungoj. Ĝi bonas kontraŭ sunbrulvundoj. Kamomilon oni uzas por heligi harojn, eĉ ĝis natura blondo.
Diferencoj inter la tri medicinaj kamomiloj
Oni listigas tri medicinajn kamomilojn: la vera kamomilo (Matricaria recutita), la roma kamomilo (Chamaemelum nobile) kaj la granda kamomilo (Tanacetum parthenium).
Matricaria recutita diferenciĝas de la du aliaj kuracaj kamomiloj per tio, ke ĝi estas unujara planto konsistanta el ununura tigo staranta rekte; tizano el ĝi estas bongusta, dum la du aliaj kamomiloj estas amaraj.