| Vera Rózsa | |
|---|---|
| Persona informo | |
| Naskiĝo | 16-an de majo 1917 en Budapeŝto |
| Morto | 15-an de oktobro 2010 (93-jaraĝa) en Londono |
| Tombo | Golders Green Jewish Cemetery |
| Ŝtataneco | Hungario |
| Alma mater | Muzikakademio Franz Liszt |
| Familio | |
| Edz(in)o | László Weiner |
| Okupo | |
| Okupo | operkantisto • komponisto • voĉa instruisto |
Vera Rózsa [rOĵa], laŭ hungarlingve kutima nomordo Rózsa Vera estis hungara operokantisto (aldo), pedagogo pri kantado.
Vera Rózsa naskiĝis la 16-an de majo 1917 en Budapeŝto, ŝi mortis la 15-an de oktobro 2010 en Londono.
Biografio
Vera Rózsa devenis el juda familio. Ŝi komencis sian muzikedukadon en la aĝo de kvin. Ŝi studis en Muzikarta Altlernejo Ferenc Liszt en sia naskiĝurbo inter 1932-1938. Post siaj studoj ŝi kantadis ĉefe en la juda kultura asocio. Ŝi oficiale debutis en La geedziĝo de Figaro en rolo de Cherubino en 1943. Post nelonge komenciĝis la nazia erao, tiam ŝi kaŝiĝis sed ŝia edzo estis murdita. Post la 2-a mondmilito ŝi ricevis rolojn en Budapeŝta Ŝtata Operejo, inter 1946-1951 en Viena Ŝtata Operejo, sed ŝi havis rolojn ankaŭ en Romo kaj Bruselo. Tiutempe ŝi denove edziniĝis kaj ŝi vivis plej ofte en Londono. Depost 1951 pro malsano ŝi ne kantadis, tial ŝi private instruis kantadon plej ofte hejme, sed foje-foje en diversaj landoj. Ŝi naskis filon, en 1991 ŝi vidviniĝis. Ŝi ricevis valoran britan premion en 1991, hungaran en la sekva jaro.
Elektitaj repertuaroj
- Georges Bizet: Carmen
- Giuseppe Verdi: Il trovatore - Azucena
Memorigiloj
- televizia filmo pri Vera Rózsa (1997)