| Varsovia Vento | ||
|---|---|---|
| Esperanto-klubo | ||
| Komenco | 1991 vd | |
| Fondinto(j) | Irek Bobrzak vd | |
| Retejo | Oficiala retejo | |
Varsovia Vento estas Esperanto-klubo en Varsovio, Pollando, fondita de Irek Bobrzak (Ireneusz Bobrzak) en la jaro 1991, por informi kaj instrui Esperanton ĉefe en la junulara medio. La unuaj aktivuloj, kies kontribuo en evoluon de la klubo estis signifa, estis: Waldemar Orzeszak, Artur Modzelewski, Jarosław Chaber, Irmina Szustak, Joanna Jakielska, Michał Wyszogrodzki, Mariola Grzeszczuk kaj sekve Agnieszka Mozer, Tomasz Stachowicz, Marta Domian kaj Marek Mazurkiewicz. La klubo organizas senpagajn kursojn de Esperanto kaj invitas al diversflanka aktiveco en la movado. En la komenca periodo ĝi eldonadis revuojn Raporto de Varsovia Vento kaj Tornado, nun kreas filmojn, kiujn eblas spekti en la jutuba kanalo, kaj radio-elsendoj forme de podkasto: Varsovia Vento-Elsendoj.
Esperanto-aranĝoj
En la jaro 2005, por aktivigi kaj trejni junularon de ĵus refondita Pola Esperanto-Junularo, Varsovia Vento organizis la IJK 2005. En 2009 Varsovia Vento, kunlabore kun Pola Esperanto-Junularo kaj Germana Esperanto-Junularo, laŭ interkompreniĝo ligi du novjarajn aranĝojn, nome: Ago-Semajno kaj Internacia Seminario, ekis JES-on (Junulara Esperanto-Semajno) kaj ĉef-kunorganizis ĝin ĝis 2019 kiam la aranĝo sekvis en Pollando,
La klubo regule organizadis du Esperanto-aranĝojn:
- Ago-Semajno - tutsemajna renkontiĝo dum novjaro inter 1999 kaj 2009[1]
- Humura Esperantista Libera Aranĝo, komence de majo
Referencoj
Vidu ankaŭ
- IJK 2005 - Internacia Junulara Kongreso en Zakopane (2005)
- Pola Esperanto-Junularo
- E-SENCO - junulara Esperanto-klubo en Poznan
Eksteraj ligiloj
- Oficiala retpaĝaro de Varsovia Vento - lasta arkiva versio
- Radio-elsendoj de Varsovia Vento
- jutuba kanalo
| ||||||||||||||||||||
