Giovanni "Vanni" Pucci (Palermo, 18-an de aŭgusto 1877 - Palermo, 9-an de septembro 1964) estis itala verkisto, poeto, ilustristo kaj dramisto.

Lia mult-faceta personeco igis lin esprimi sin en artaj kampoj inter la plej diversaj, fikcio, teatro, pentrarto, satira kaj elegia poezio. Lia atento al infanoj kaj lia eduka rolo al la infanoj estas rimarkindaj, al kiuj li dediĉis multon el sia literatura produktado. En 1903 li verkis sian unuan libron de poemoj en la sicilia lingvo.

Ĉirkaŭ la 1920-aj jaroj, Vanni Pucci komencis sian produktadon de teatraĵoj. Multaj el ili estis reprezentitaj en multaj italaj teatroj de la plej famaj kompanioj de la tempo, inkluzive Marcellini, Scarpetta, Musco, kun granda sukceso inter publiko kaj kritikistoj. Iuj verkoj, kiel Il Castagno, I Navarra kaj Zio Dono Cosimo, ankaŭ estis reprezentitaj eksterlande (Tunizio, Libio, Egiptio, Latinameriko) kaj ankoraŭ hodiaŭ proponitaj de diversaj teatraj kompanioj.