 Kiel legi la taksonomion | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
Aliaj Vikimediaj projektoj | ||||||||||||||
La birdoj de genro Vanellus estas mezgrandaj vadbirdoj kiuj apartenas al subfamilio Vanellinae de la familio Ĥaradriedoj, kiuj enhavas ankaŭ pluviojn kaj morinelon. La vorto "Vanelo" povas esti uzata por ĉiu birdo de tiu genro Vanellus, sed ankaŭ estas uzata specife por la konata specio Vanelo aŭ Eŭrazia vanelo, Vanellus vanellus. Iu vanelo povas esti konsiderata kvazaŭ iu pluvio pli granda.
Fakuloj plej ofte konsentas, ke ekzistas 24 specioj de vaneloj, sed klasado inter diversaj subfamilioj malkonsentas. Peters rekonas ne pli ol 19 genrojn, sed aliaj konsideras ĉiujn vanelojn kiel membroj de la sama genro Vanellus.
Tiuj longkruraj vadbirdoj havas plej ofte buntajn plumarojn tre markitajn. Kvankam la plej konata specio de norda hemisfero, nome Vanelo aŭ Eŭrazia vanelo, Vanellus vanellus, havas fajnan kreston, nur ankaŭ du aliaj specioj havas similan kreston. Flavaj aŭ ruĝaj vizaĝaj bridoj estas pli tipaj ornamaĵoj.
Listo de specioj
- Vanelo, Tufvanelo aŭ Eŭrazia vanelo, Vanellus vanellus
- Blankkrona vanelo, Vanellus albiceps
- Sudamerika vanelo, Vanellus chilensis [1]
- Grizkapa vanelo, Vanellus cinereus
- Krona vanelo, Vanellus coronatus
- Vanellus crassirostris
- Rivera vanelo,Vanellus duvaucelii
- Ruĝbeka vanelo aŭ Hindia vanelo, Vanellus indicus
- Maskita vanelo, Vanellus miles
- Dornoflugila vanelo aŭ Spronvanelo, Vanellus spinosus
- Trikolora vanelo, Vanellus tricolor
- Armita vanelo, Vanellus armatus
- Nigrakapa vanelo, Vanellus tectus
- Flavbrida vanelo aŭ Malabara vanelo, Vanellus malabaricus
- Vanellus lugubris
- Nigraflugila vanelo, Vanellus melanopterus
- Sudafrika flavbrida vanelo, Vanellus senegallus
- Punktobrusta vanelo, Vanellus melanocephalus [2]
- Vanellus superciliosus
- Indonezia vanelo, Vanellus macropterus
- Socia vanelo aŭ Stepvanelo, Vanellus gregarius
- Blankvosta vanelo aŭ Marĉvanelo, Vanellus leucurus
- Vanellus cayanus
- Vanellus resplendens
Nur Vanelo aŭ Eŭrazia vanelo, Vanellus vanellus, Socia vanelo, Vanellus gregarius, Blankvosta vanelo, Vanellus leucurus, kaj Vanellus superciliosus estas migrantaj specioj.
Multaj specioj havas vizaĝajn bridojn aŭ masketojn kiuj povas esti ĉu etaj (Nigrakapa vanelo, Vanellus tectus, Punktobrusta vanelo, Vanellus melanocephalus, Ruĝbeka vanelo aŭ Hindia vanelo, Vanellus indicus, kaj Trikolora vanelo, Vanellus tricolor) ĉu grandaj (Blankkrona vanelo, Vanellus albiceps, Sudafrika flavbrida vanelo, Vanellus senegallus, Flavbrida vanelo aŭ Malabara vanelo, Vanellus malabaricus, Indonezia vanelo, Vanellus macropterus aŭ Maskita vanelo, Vanellus miles).