La Urbodomo nokte, en la Ĉefplaco dum la Sankta Semajno.

La Urbodomo de Astorgo ekkonstruiĝis en 1683 laŭ la projekto de la ŝtontajlisto Francisco de La Lastra. Ĝi estas la sidejo de la loka registaro de Astorgo, en la provinco Leono, Hispanio. La origina konstruaĵo finkonstruiĝis en la jaro 1703, sed poste ĝi suferis kelkajn reformojn kiel la posta aldono de la balkono kaj la kapiteloj de la flankaj turoj, laŭ la dizajno de José Álvarez de la Viña. En 1739, Francisco García Casellas realigas tri ferajn balkonojn kaj en 1748, la majstro Domingo Martínez elstarigas la centran turon por la sonorilo kaj la horloĝo. Ĝi estas konsiderata kiel ekzemplo de civila arkitekturo de la leona baroko.