 |
Por samtitola artikolo vidu la paĝon Untervaz-Trimmis (stacidomo). |
| Untervaz | |
|---|---|
 Blazono de Untervaz | |
 Untervaz | |
| komunumo en Svislando | |
| Kantono | Grizono |
| Distrikto | Landquart |
| Komunumaro | Kvin Vilaĝoj |
| Koordinatoj | 46° 55′ 39″ N 9° 32′ 6″ O / 46.92750 °N, 9.53500 °O (mapo)Koordinatoj: 46° 55′ 39″ N 9° 32′ 6″ O / 46.92750 °N, 9.53500 °O (mapo) |
| Nombro de loĝantoj | 2336 |
| Areo | 27,72 km² |
| Alteco | 564 m super marnivelo |
| Poŝtkodo | 7204 Untervaz 7201 Untervaz Bahnhof |
| Komunumkodo | 3946 |
 Mapo de Untervaz | |
Pri la komunumo
Untervaz (prononcu untrfac, en la romanĉa lingvo Vaz sut en Esperanto ankaŭ Vazo suba) estas komunumo de la komunumaro Kvin Vilaĝoj kaj la distrikto Landquart en Kantono Grizono, Svislando. Ĝi havis 2336 loĝantojn je la 31-a de decembro 2009.
Geografio
Untervaz situas ĉe la okcidenta bordo de la Alpa Rejno okcidente de la montmasivo Calanda. La plej alta punkto de la komunuma teritorio estas la kulmino Haldensteiner Calanda sur la kresto de Calanda-Masivo. La teritorio de la komunumo etendiĝas sur areo de 27,72 km², de kiuj preskaŭ la duono, nome 46,9%, estas kovritaj de arbaro, 40% servas por agrikulturo kaj 4,8% por setlado.
Najbaraj komunumoj
La komunumo Untervaz limas en nordo al Mastrils, en nordoriento al Zizers, en nordoriento al Trimmis, en nordo al Haldenstein, kaj en okcidento al Pfäfers (SG).
Trafiko
La komunumo Untervaz situas flanke de la gravaj trafikvojoj, tamen ĝi bone atingeblas, ĉar aliflanke de Rejno pasas la kantona ĉefvojo nr-o 3/13 kaj la svisa aŭtovojo A13. Ankaŭ aliflanke de la rivero sur la teritorio de la komunumo Trimmis situas la stacio Untervaz de la trajnlinio de Retia Fervojo de Landquart al Koiro. Al la publika transportreto la komunumo estas konektita per la urba buslinio n-ro 3 de Koiro.
Historio
La unua dokumenta mencio de Untervaz datiĝas el la jaro 768 kiel Uaze. Dum mezepoko Untervaz apartenis al la episkopejo de Koiro. Nome de la episkopo ekzercis la jurisdikcion la familio Mötteli de Rappenstein en la Kastelo Neuburg. En la jaro 1519 Untervaz liberiĝis de la episkopa servuteco kaj fariĝis membro de la Supera Tribunalejo Kvar Vilaĝoj, kiu post la aliĝo de Haldenstein en la jaro 1803 alinomiĝis al Kvin Vilaĝoj. [1]
Notoj kaj referencoj
Vidu ankaŭ
Eksteraj ligiloj
- Oficiala retejo de la komunumo Untervaz
- Untervaz en la Historia Leksikono de Svislando (germane, france, itale)
- Vidu ankaŭ en la Vikimedia Komunejo la kategorion Untervaz – (Kolekto de bildoj kaj plurmediaj dosieroj)
| ||||||
_wappen.svg.png.webp)
