| Universitato de Kostariko | ||
|---|---|---|
 | ||
 | ||
| universitato • eldonejo de malfermita aliro | ||
| moto | Lucem Aspicio Serĉante la lumon | |
| Informoj | ||
| fondodato | 1940 | |
| speco | publik-ŝtata | |
| Situo | ||
| Geografia situo | 9° 56′ 9″ N, 84° 3′ 2″ U (mapo)9.9358333333333-84.050555555556Koordinatoj: 9° 56′ 9″ N, 84° 3′ 2″ U (mapo) | |
| lando | Kostariko | |
| Nombroj | ||
| nombro de studentoj | 32 969 vd | |
| retejo | [Oficiala retejo Oficiala retejo] | |
| Listoj | ||
| membro de | ||
| • Consejo Nacional de Rectores • Open Education Global • Coalition for Advancing Research Assessment • Sistema Editorial Universitario Centroamericano • Consejo Superior Universitario Centroamericano vd | ||
| filioj | ||
| • Vice-Rector for Research, University of Costa Rica vd | ||
| ||
Universitato de Kostariko (hispane Universidad de Costa Rica akronime UCR) estas la plej granda kaj plej malnova universitato en Kostariko, kaj la plej prestiĝa en Mezameriko [1][2]. La ĉefkampuso estas Ciudad Universitaria Rodrigo Facio, situanta en San Pedro en la kantono de Montes de Oca, proksimume 3 km de la centro de la ĉefurbo San-Joseo. Ĝi ankaŭ havas ses aliajn regionajn kampusojn tra la lando.
La universitato havas sian originon en la lernejo Casa de Enseñanza de Santo Tomás, kiu estis fondita en 1814. En 1843, ĝi estis transformita en la Universidad de Santo Tomás, kaj la 26-an de aŭgusto 1940, en la nunan Universitato de Kostariko. La rektoro de la universitato estas d-ro Henning Jensen Pennington [3].
En 2011, la Universitato de Kostariko havis 37,600 aliĝintajn studentojn [4]. De la Hispana Ŝtata Esplorkonsilio ĝi estas vicigita inter la kvin plej bonaj universitatoj en hispanlingvaj landoj en la Amerikoj [1]. La Universitato de Kostariko havas 26 esplorinstitutojn, kaj publikigas 45 sciencajn ĵurnalojn [5]. Inter la eks-studentoj estas Nobel-premiito pri paco Óscar Arias.
La Universitato de Kostariko havas sian propran televidkanalon, Canal 15, kiu estas parto de la baza pakaĵo de ĉiuj kablotelevidaj provizantoj de la lando [6]. La gazeto de la universitato estas nomita Semanario Universidad. La futbalteamo CF Universitato de Kostariko ludas en la dua plej alta dividado de la lando, kaj estis en la elita serio plej lastatempe en la 2010/11 sezono.
Kampusoj
Universitato de Kostariko havas la sekvajn kampusojn:
- Ciudad Universitaria Rodrigo Facio (ĉefa kampuso) en San Pedro en la provinco San José
- Sede del Occidente en San Ramón en la provinco Alajuela
- Sede del Atlántico en Turrialba en la provinco Cartago
- Sede de Guanacaste en Liberia en la provinco Guanacaste
- Sede de Limón en Puerto Limón en la provinco Limón
- Sede del Pacífico en Puntarenas en la provinco Puntarenas
- Sede Interuniversitaria de Alajuela en Alajuela en la provinco Alajuela
Referencoj
- 1 2 Consejo Superior de Investigaciones Científicas de España – Top Latino América 2012 (el Retarkivo 20120618035231)
- ↑ 4icu University Web Ranking 2012 – Latin America Arkivigite je 2015-08-07 per la retarkivo Wayback Machine (el Retarkivo 20150807044726)
- ↑ Universidad de Costa Rica. «Henning Jensen recibió credenciales como Rector». 4. mai 2012.
- ↑ Semanario Universidad. «UCR aumentó 2000 cupos estudiantiles en el 2011 Arkivigite je 2011-11-08 per la retarkivo Wayback Machine (el Retarkivo 20111108211530)». 4. oktober 2011.
- ↑ Latindex UCR – Revistas por título Arkivigite je 2012-07-12 per la retarkivo Wayback Machine (el Retarkivo 20120712065143)
- ↑ Canal 15 UCR – Organización Arkivigite je 2013-04-08 per la retarkivo Wayback Machine (el Retarkivo 20130408015332)