| Undués de Lerda | |||
|---|---|---|---|
 | |||
| municipo en Hispanio | |||
|
|
| ||
| Flago | Blazono | ||
| Administrado | |||
| Poŝtkodo | 50689 | ||
| Demografio | |||
| Loĝantaro | 52 (2023) [+] | ||
| Loĝdenso | 1 loĝ./km² | ||
| Geografio | |||
| Geografia situo | 42° 34′ N, 1° 10′ U (mapo)42.5654739-1.169241Koordinatoj: 42° 34′ N, 1° 10′ U (mapo) [+] | ||
| Alto | 633 m [+] | ||
| Areo | 42,992472 km² ( 429 9.2 472 ha) [+] | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo Undués de Lerda [+] | |||
Undués de Lerda [unDŬES deLErda] estas municipo de Hispanio, en la plej nordokcidenta pinto de la komarko Cinco Villas apartenanta al la norda parto de la Provinco Zaragozo (regiono Aragono).
Geografio
Ĝia municipa teritorio estas en la plej nordokcidenta pinto de la komarko Cinco Villas, norde de la teritorio de Sos del Rey Católico, okcidente de Urriés, en angulo inter Navaro (Sangüesa) okcidente kaj la Akvorezervejo de Yesa norde. La plej proksima loĝloko estas Javier, apartenanta al Navaro, sed sen rekta konekto. La municipo apartenas al la jurisdikdicia teritorio de Ejea de los Caballeros. Ĝi estas irigaciita de la Kanalo de Bardenas, konstruita en 1959 ene de la Nacia Hidrologia Plano, kiu kondukas akvon de la rivero Aragón stokitan en la Akvorezervejo de Yesa. La plej alta pinto estas Alto de Santa Cruz (853 m), ĉe la limo kun Navaro. En la municipa teritorio estas la senhomejoj Lerda, Casales de Lerda kaj Serramiana. La du unuaj menciitaj estas geografie en Navaro, en la municipo de Sangüesa.
La loĝloko Undués de Lerda (633 msm) estas je 134 km de Zaragozo, provinca kaj regiona ĉefurbo, sed pli proksima je nur 60 km de Pamplono. Ĝi estas komunikata per ŝoseo A-1601 kun Sigüés nordoriente, kaj aparte kun Sos del Rey Católico sude kaj Los Pintanos oriente.
Historio
En la municipa teritorio de Undués de Lerda kaj de kelkaj proksimaj lokoj oni trovis ujojn de ceramiko de prahistorio.
La areo estis konkerita de kristanoj ĉirkaŭ la 10-a jarcento.
Multaj loĝlokoj de la areo perdis loĝantaron laŭlonge de la 20-a jarcento pro rura elmigrado, kaj ankaŭ ĉe Undués de Lerda: oni malaltiĝis el 510 loĝantoj en 1910 ĝis nunaj 52 loĝantoj; do, oni perdis naŭ dekonojn de la loĝantaro.
Ekonomio
La loka ekonomio evoluis el la tradiciaj agrikulturo kaj brutobredado al kultura kaj rura turismo ekzemple pro la Romanika Vojo de Cinco Villas.
Vidindaĵoj
Inter vizitindaĵoj menciendas jenaj:
- La preĝejo.
- La neĝujo.
Demografio
Demografia evoluo de Undués de Lerda inter 1842 kaj 2022:[1]
| 1877 | 1887 | 1897 | 1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2001 | 2022 |
|---|---|---|---|---|---|---|---|---|---|---|---|---|---|---|
| 617 | 535 | 474 | 485 | 510 | 502 | 453 | 380 | 272 | 213 | 98 | 51 | 47 | 48 | 52 |
Vidu ankaŭ
Referencoj
Bibliografio
- Ángel Canellas kaj Ángel San Vicente (1996). Rutas románicas en Aragón. Encuentro ediciones.
- Aragón constante histórica. Publicaciones de la Caja de Ahorros de Zaragoza, Aragón y Rioja. 1979.
- Cristóbal Guitart Aparicio (1994). Zaragoza. Ediciones Júcar.
- Ubieto Arteta, Antonio (1981-1989). Historia de Aragón. 6 vol. Zaragoza: Anubar.