| Ulrich Neymeyr | |||||
|---|---|---|---|---|---|
| episkopo de Erfurto | |||||
.jpg.webp) D-ro Ulrich Neymeyr en 2014 | |||||
| Regado | ekde 2014 | ||||
| Antaŭulo | Reinhard Hauke (administranto) | ||||
.svg.png.webp) | |||||
| Persona informo | |||||
| Naskiĝo | 12-an de aŭgusto 1957 (66-jaraĝa) en Worms | ||||
| Religio | katolika eklezio vd | ||||
| Motto | "Christus suscepit nos - Kristo akceptis nin." | ||||
| Lingvoj | germana vd | ||||
| Ŝtataneco | Germanio vd | ||||
Subskribo  | |||||
| Profesio | |||||
| Okupo | katolika sacerdoto • katolika episkopo vd | ||||
| Aktiva en | Majenco • Rüsselsheim • Erfurto vd | ||||
| |||||
| |||||
| vd | Fonto: Vikidatumoj | ||||
Ulrich NEYMEYR (naskiĝinta en la 12-a de aŭgusto 1957 en Worms-Herrnsheim) estis romkatolika helpepiskopo de Mainz kaj estas ekde 2014 episkopo de Erfurto. Antaŭe provizore episkopis Reinhard Hauke. Lia episkopa moto, prenita el la Epistolo al la romanoj, estas: "Christus suscepit nos - Kristo akceptis nin."
Vivo
Li naskiĝis en 1957 kiel tria infano de diploma komercisto. Post la abiturienta ekzameno ĉe la surloka humanisma gimnazio li frekventis la porpastran seminarion en Mainz studante filozofion kaj katolikan teologion ĉe la Johannes-Gutenberg-universitato. Liajn du liberajn semestrojn li pasigis ĉe la Universitato de Münster. Li ordinitis pastro en 1982 en la katedralo de Mainz fare de kardinalo Hermann Volk.
Post subpastraj deĵoroj en Mainz li ricevis en 1984 forpermeson por finfari promocion pri la rolo de ekleziaj instruistoj en la 2-a jarcento. En 1987 li doktoriĝis kaj nomumitis vicestro de la majenca porpastra seminario, kiun oficon li plenumis ses jarojn. Tiam li strebis plialtigi la standardon de la teologiaj studoj de la kandidatoj pri pastreco.
En 1993 li iĝis paroĥestro de la komunumoj Triunuo kaj Resurektinta Kristo en Rüsselsheim. Tie ĝi metis fokusojn specialajn pri la animzorgado de la laboristoj kaj pri la dialogo kun la islamanoj. Post sep jaroj li transprenis en la 2000-a jaro la komunumojn de Worms-Horchheim, Worms-Wiesoppenheim kaj Offstein. En februaro de 2003 li nomumitis titulara episkopo de Maraguia kaj faritis helpepiskopo en aprilo de la sama jaro. Ekde majo li iĝis vikario episkopa por la junuloj de la diocezo. La 19-an de septembro 2014 li nomumitis episkopo de Erfurto fare de Papo Francisko, kiun oficon li transprenis solene la 22-an de novembro 2014. La antaŭulo estis Joachim Wanke.
Bildo pri la Eklezio
Demandite kiel li difinus la Eklezion li respondis en 2000: "Eklezio estas la invito de Dio al la homoj iri kun Dio tra la vivo. Se kredantoj akceptas tian inviton kaj tiamaniere vivas kaj festas, ili mem iĝas invitantemaj transdonante tiun inviton de Dio al aliaj: tiam ili iĝas Eklezio."