Tuszyn

Tuszyn estas urbo en Lodzio en Pollando. Ĝi apartenas al komunumo Tuszyn en distrikto Łódzki Wschodni.

Historio

Unua mencio pri la loko devenas de 1223.

En 1416 Ladislao la 2-a Jogajlo fondis ĉi tie reĝan urbon. En la 15-a jarcento ĝi servis por ĉasado en apuda praarbaro. Tiucele trifoje vizitis ĝin reĝo Kazimiro la 4-a.

En la 16-a jarcento disvolviĝis forsta industrio, bredado de abeloj, paŝtado, muelado. La plej gravan rolon plenumis bierfarado, ankaŭ komerco.

Dum la sveda diluvo en 1655 Tuszyn estis tute bruligita kaj rabita de sveda armeo.

Rezulte de la dua dispartigo de Pollando Tuszyn en 1793 eniris al Reĝlando Prusio. En 1807 estis rn Varsovia Duklando, kaj en 1815 en Kongresa Pollando.

Dum la dua mondmilito la urbo estis sub la germana okupado. La tuta regiono pro agado de germana malplimulto el Lodzo estis enkorpigita al Tria Regno. Germanoj forveturigis al geto en Piotrków Trybunalski la juddevenan loĝantaron, kie ĝi estis murdita.

Stanisław Muznerowski: Tuszyn w Ziemi Piotrkowskiej (Tuszyn en la Piotrków-Lando), Drukarnia Dyecezalna, Włocławek 1912.

Biuletyn Informacji Publicznej Urzędu Miasta Tuszyn Bulteno de la Publika Informo ĉe la Oficejo de Urbo Tuszyn

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.