Tri Angloj Alilande
Tri Angloj Alilande
Aŭtoro	John Merchant
Eldonjaro	1912
Urbo	Londono
Eldoninto	Brita Esperanto-Asocio
Paĝoj	96

Tri Angloj Alilande ^[1][2] estas romaneto, originale en Esperanto verkita de John Merchant. Ĝi origine eldoniĝis en 1912, fare de Brita Esperantista Asocio, kaj publikiĝis en tri pliaj eldonoj, en 1922, 1931 kaj 1936. Formato de la libroj estis 96 paĝoj en la unua eldono de 1912, 64 paĝoj en la dua eldono de 1922 kaj same en la tria eldono de 1931 kaj la kvara eldono de 1936.

Recenzoj

„ La aventuroj de l' tri herooj estas vere malordinaraj. Ĝi estas dusence esperanta: Unue pro la lingvo de la verko, due ĉar en ĝi Esperanto ludas gravan rolon por oftfoje savi la simpatiajn anglojn, kiam nekompreno de fremdaj lingvoj minacas ilin per ĉiuspecaj danĝeroj. [...] La libron oni legu por mem sperti senpretendan anglan humuron kaj ĝui simplan fluantan bonan stilon. ” — 1922, Georges Stroele en Esperanto, paĝo 63; Enciklopedio de Esperanto

„ Strangaj aventuroj okazas al tri anglaj amikoj, kiuj faras rondiran vojaĝon en Francujo, Germanujo kaj Belgujo. En tiu sprita rakonto oni vidas la oftajn embarasojn kiuj rezultas de la malsameco de lingvoj kaj evidente rekonas la neceson de internacia lingvo por eliri el malfacilaj eventoj. La historieto implikiĝas per amindumaĵoj kiuj, kompreneble finiĝas per tri edziĝoj. Tre agrabla stilo, tute leginda verko. ” — 1912(1964), Historio de Esperanto I, paĝoj 362-363

	„ Legu tium romanon : ĝi estas ja tre originale verkita kaj preskaŭ sur ĉiu paĝo vi trovos tre spiritajn kaj tre spritajn rimarkojn kaj esprimojn. Kaj kiel en ĉiu romano kiu respektas sin, ankaŭ tie-ĉi la romano finiĝas per fianĉiĝo de la tri angloj. ” — Belga Esperantisto n050 (dec 1912)

	„ Tiu reeldonita verketo povos denove ĝojigi la liberajn momentojn de niaj legemaj geamikoj en la tuta mondo. ” — Belga Esperantisto n087 (maj 1922)

Referencoj

Eksteraj ligiloj

• Enciklopedio de Esperanto/T en sia originala formo en la Interreto
• Enciklopedio de Esperanto en elŝutebla versio (PDF).
• Transskribita teksto de Tri Angloj Alilande (Faded Page)
• plena teksto de la recenzo de 1922 en revuo Esperanto
• Katalogo de Heredaĵbiblioteko Hendrik Conscience