Tra la Esperanta Literaturo estas antologio kompilita de Luigi Giambene. La 113-paĝa libro eldoniĝis en la jaro 1907 en Romo ĉe "Editrice Romana". En 1908 aperis dua eldono en Parizo, ĉe "Librairie de l' Esperanto" ^[1].

Recenzoj

	„ Antologio elĉerpita el 40 malsamaj verkoj prezentas utilan legaĵon, ĉar ĝi konigas la stilon de diversaj aŭtoroj. ” — 1907, Lingvo Internacia, paĝo 474

„ Tiu ĉi antologio enhavas eltiraĵojn el la ĉefaj jam en Esperanto aperintaj verkoj. Oni trovas en ĝi poeziaĵojn, fabelojn, anekdotojn, unu komercan leteron, predikon, interparoladojn, filozofiajn paĝojn, aritmetikaĵojn, spritaĵojn, ke. La verko estas bonega lernolibro : ĝi alkutimigos la lernantojn al la plej diversaj temoj esperante pritraktitaj. Ĝi estas tre ŝatinda propagandilo, montranta ke Esperanto taŭgas ne nur por la literaturo, sed ankaŭ por la sciencoj. ” — Belga Esperantisto n.005 (mar 1909)

Referencoj

Eksteraj ligiloj

• Enciklopedio de Esperanto/T en sia originala formo en la Interreto
• Katalogo de Esperantomuzeo kaj Kolekto por Planlingvoj
• Katalogo de Heredaĵbiblioteko Hendrik Conscience
• Katalogo de Nacia Biblioteko de Esperanto