La Devontigoj (angle The Commitments) estas muzika dram-komedia filmo el 1991, bazita sur samnoma romano de la irlanda verkisto Rudy Doyle. La filmo rakontas la historion de grupo de senlaboruloj el Dublino, la ĉefurbo Irlando, kiuj establis soul-muzikan bandon. La filmo estis reĝisorita fare de Alan Parker, kaj la scenaro estis prilaborita laŭ la romano fare de Dick Clement, Ian Le Perna kaj Doyle mem. La filmo, kiu estis filmita tute en Dublino, estas internacia kunproduktaĵo, kaj ĝia produktado implikis produktentreprenojn de Irlando, Anglio kaj Usono.

Intrigo

La filmo priskribas la rakonton de Jimmy Rabbitte (Robert Arkins) kiu aspiras administri sukcesan grupon, kaj insistas pri ekzercado de nur soul-muziko. Post kiam li ne trovas grupon en Irlando kiu ludas soul-muzikon je sufiĉa alta nivelo, li decidas formi grupon mem kiu prezentos reludversiojn de la kantoj de Otis Redding, Aretha Franklin, James Brown kaj Wilson Pickett. Jimmy okazigas aŭdiciojn ĉe la domo de siaj gepatroj kaj elektas grupon de junaj muzikistoj por sia nova muzikgrupo, kiuj, male al la konataj soulmuzikartistoj, estas tute blankulaj kaj ne konas la muzikĝenron. Kun la helpo de Joey "The Lips" Fagan, veterana muzikisto, kiu certigas plurfoje rakonti pri sia pasinta komuna laboro kun famaj muzikistoj, Jimmy sukcesas plibonigi la agadon de la grupanoj kaj alporti la bando al sukceso. Estas Joey kiu donas la nomon "The Commitments" (angle por La Devontigoj) al la muzikgrupo. En la fino, lia tuta laborego iras laŭ la dreno pro interbataloj inter la grupanoj.

Aktoraro

La plej multaj el la aktoroj kiuj partoprenis la filmon estis nekonataj ĝis la filmo estis publikigita, kaj laŭ la reĝisoro Alan Parker, ili estis elektitaj por la rolo pro siaj muzikaj kapabloj kaj ne nepre pro sia aktoradsperto. Krome, du el la kantoj en la filmo estis prezentitaj fare de la irlanda kantisto Niamh Kavanagh, kiu gajnis la Eŭrovido-Kantokonkurson en 1993, du jarojn poste ^[1].

Referencoj

Eksteraj ligiloj

• The Commitments ĉe AlanParker.com
• The Commitments en Interreta filma datumbazo (angle)
• The Commitments ĉe Box Office Mojo
• The Commitments ĉe Rotten Tomatoes