Por aliaj uzoj, vidu la paĝon Tatro.

Tatra
TATRA TRUCKS a.s.
entrepreno • fabrikisto de komercaj veturiloj • negoco vd
Dum	1897 - nekonata/nuntempe
Antaŭulo	Nesselsdorfer Wagenbau-Fabriks-Gesellschaft
Jura formo	akciová společnost
Fondintoj	Ignaz Schustala vd
Sidejo	Kopřivnice
Lando	Ĉeĥio
Dungitoj	1 889 (stato: 2017)
Agokampo	kamiono
Posedata de	Promet Tools • NIKA Development • NIKA Development • Jaroslav Strnad vd
filiaj kompanioj	TATRA EXPORT • Tatra Metalurgie vd
TTT	Oficiala retejo

Tatra T87 (1941)

Tatra T603

Tatra T148 aŭtogruo

Tatra T815

Tatra 815 TERRNo1

Tramo T6A5 ĉe stacidomo Ostrava hlavní nádraží

Tatra estas ĉeĥa fabrikanto de ŝarĝaŭtomobiloj, havanta sidejon en Kopřivnice. La preciza nomo estas Tatra a.s. (Tatra akcia kompanio).

Historio de Tatra

La firmao estis fondita en la jaro 1850 de Ignác Šustala, kiu komencis en malgranda familia firmao produkti kaleŝojn kaj fiakrojn. En la paso de tempo la firmao ekkreskis komenciĝante orientiĝi je novaj specoj de transporto. En la jaro 1882 ĝi fabrikis la unuaj 15 fervojaj vagonoj. En la jaro 1897 ĝi fabrikis aŭtomobilon Präsident, la unuan personan aŭtomobilon en Mez-Eŭropo, en la jaro 1898 la unuan ŝarĝaŭtomobilon.

En la intermilita periodo la firmao nomiĝis Ringhoffer-Tatra aŭ nur Ringhoffer, laŭ sia posedanto. Ĝi plu produktis la personajn kaj la ŝarĝaŭtomobilojn, fervojajn motorajn vagonojn kaj eĉ ankaŭ aviadilojn.

Karakteriza personeco de la firmao estis konstrukciisto kaj longjara teknika direktoro Hans Ledwinka (En Tatra li estis okupita ekde la 1897 ĝis 1945). Tiu estis kreinto de ĝishodiaŭ de Tatra eluzata koncepto de ĉasio kun centra tubo kaj movigaksoj, kiun oni ankaŭ markas kiel spinframo, sed en la mondo per pli konata markigo Tatra-koncepto. Tatra estas ankaŭ konata precipe per eluzado per aero fridigataj motoroj.

Post la dua mondmilito Tatra fabrikis precipe ŝarĝaŭtomobilojn, sed ankaŭ luksajn limuzinojn por gvidantaj laboruloj kaj partiaj funkciuloj. Por testi la fabrikitajn aŭtomobilojn Tatra konstruis en Kopřivnice testan poligonon nomata Veturrondo Tatra. En la jaro 1989 okazis malkresko de produktado de personaŭtomobiloj kaj problemoj kun privatigo, kiuj gvidis al bankroto de la firmao. Tiutempe la firmao sukcesis akiri grandan armean mendon, kiu helpis al ĝi superi la krizon. Post longtempaj traktadoj kun eksterlandaj investantoj fine usona kompanio Terex Corporation, kiu okupiĝas per produktado de peza mekanikaĵo, sukcesis akiri majoritatan 80,5 % kvocienton de kompanio Tatra a.s. kaj per tio ĝi unusignife aliorientiĝis al produktado de pezaj ajngrundaj ŝarĝaŭtomobiloj. Dank‘ al kompanio Terex Tatra sukcesis enpenetri ankaŭ en okcidentajn merkatojn.

Uzino en Smíchov

Sed sub la marko Tatra oni ne produktis nur aŭtomobilojn kun eksplodmotoroj, sed ankaŭ elektrajn veturilojn, trolebusojn kaj tramojn. Tiuj produktiĝis en uzino en Smíchov en Prago, samkiel fervojaj vagonoj. Post la dua mondmilito la fabriko de Ringhoffer estis naciigita kaj ĝi ricevis markigon Tatra. La smíchova uzino produktis la mondfamajn tramojn T1, T2, T3 liveritaj en multajn landojn nenur de orienta bloko. En la okdekaj jaroj la Smíchova uzino estis alivicigita sub koncernon de ČKD, tial nepluraj hodiaŭ scias, ke la konataj „to-trioj“ estiĝis ankoraŭ kiel Tatra-oj.

Pri Tatra

Modeloj de aŭtomobiloj Tatra

Vidu ankaŭ

• Kopřivnice