| Talayuela | |||
|---|---|---|---|
 | |||
| municipo en Hispanio • urbeto | |||
|
| |||
| Blazono | |||
| Administrado | |||
| Lando | Hispanio | ||
| Regiono | Ekstremaduro | ||
| Provinco | Cáceres | ||
| Poŝtkodo | 10310 | ||
| En TTT | Oficiala retejo [+] | ||
| Politiko | |||
| Urbestro | Raul Miranda Manzano | ||
| Demografio | |||
| Loĝantaro | 9 222 (2009) | ||
| Loĝdenso | 32 loĝ./km² | ||
| Geografio | |||
| Geografia situo | 39° 58′ N, 5° 36′ U (mapo)39.966666666667-5.6Koordinatoj: 39° 58′ N, 5° 36′ U (mapo) | ||
| Alto | 287 m [+] | ||
| Areo | 229 km² (22 900 ha) | ||
| Horzono | UTC+01:00 [+] | ||
 | |||
| |||
| |||
|
| |||
| Alia projekto | |||
 Vikimedia Komunejo Talayuela [+] | |||
.svg.png.webp)
Talayuela [Talajŭela] estas municipo de Hispanio, en la provinco de Cáceres, regiono de Ekstremaduro. La nomo de Talayuela devenas de atalayuela, diminutivo de la hispana vorto de deveno araba atalaya, kiu signifas "gvato-turo".
Loĝantoj
La loĝantoj nomiĝas Talayuelanos. La censita populacio en 2009 estis de 9.222 loĝantoj.
Situo
Talayuela estas situa en la nordorienta parto de Ekstremaduro en la komarko aŭ distrikto Campo Arañuelo, je altitudo de 287 m; je 132 km de Cáceres, provinca ĉefurbo kaj je 182 km de Mérida, la regiona ĉefurbo. La areo de ties teritorio estas de 229 km².
Submunicipoj
| Nomo | Loĝ. (2007) |
|---|---|
| La Barquilla | 463 |
| Barquilla de Pinares | 367 |
| El Centenillo | 46 |
| Palancoso | 116 |
| Pueblonuevo de Miramontes | 867 |
| Santa María de las Lomas | 668 |
| Talayuela | 6.073 |
| Tiétar | 982 |
| TOTALO | 9.582 |
Geografio
Talayuela estas situa ĉe la valo de la rivero Tiétar, grava alfluanto de la rivero Taĵo, kaj apartenas al la komarko de Campo Arañuelo, sed ĉe la komarko de la Vera. La tereno de la zono estas ebena, propra de valo, kun altitudo de ĉirkaŭ 364 m super marnivelo. Posedas Talayuela grandan kaj fruktodonan pinaron, krom multnombrajn kverkarojn utilajn por paŝtejoj. Krome en la lagunetoj trovas rifuĝon multaj migrantaj birdoj.
Demografio
La populacio estas de 9.582 loĝantoj (laŭ la Nacia Instituto de Statistiko 2007), inklude la disajn loĝantarojn en bienoj. El tiuj 10.432 loĝantoj, pli da 2.000 apartenas al diversaj submunicipoj kiuj eksendependiĝis administre. La populacio plialtiĝis dum la lastaj jaroj pro la alveno de enmigrantoj, ĉefe marokanoj, kiuj estas foje preskaŭ la duono de la loĝantaro, sed ĉar plej parto estas neleĝaj, malfacilas la statistikoj. Ĉiukaze en Talayuela estas loĝantoj de 22 diversaj ŝtatanecoj, kiuj superas la 33% de la aktuala loĝantaro.
Ekonomio
Agrikulturo kaj brutobredado. Ĉefe elstaras la kultivo de tabako, kvankam dum la lastaj jaroj tiu kultivo malpliiĝis pro malapero de la helpo de la Eŭropa Unio. En Talayuela estas aliaj gravaj kultivoj, kiel tiuj de la asparago, kiu ebligas la funkciadon de industrio de konservado. Krome oni produktas kapsikojn (papriko), tomato kaj maizo. Novaj alternativoj por la tradicia kultivo de tabako estas safrano, kotono kaj aliaj. Ĉiukaze la ĉefaj estas tabako kaj asparagoj kiuj komplementas sin ĉar rikoltoj kaj laboroj okzas ne samtempe. La reston de la jaro la kampolaboristoj elmigras al la rikoltoj de vinberoj aŭ oranĝoj en aliaj regionoj.
Eblas ankaŭ rura turismo kaj la sportoj en golfejo.
Historio
Talayuela fondiĝis en la 16a jarcento el Plasencia kaj tiam oni konstruis la preĝejon de Sankta Marteno. La komenco de la loĝado estis malfacila pro la malsano de la malario abunda en la areo.