| Suances | |||||
|---|---|---|---|---|---|
.jpg.webp) | |||||
| municipality of Cantabria | |||||
|
|
| ||||
| Flago | Blazono | ||||
| Administrado | |||||
| Lando | Hispanio | ||||
| Regiono | Kantabrio | ||||
| Distrikto | Besaya | ||||
| |||||
| Poŝtkodo | 39340 | ||||
| Retpaĝaro | Retejo de la municipo | ||||
| Demografio | |||||
| Loĝantaro | 8 552 (2013) | ||||
| Loĝdenso | 347,64 loĝ./km² | ||||
| Geografio | |||||
| Geografia situo | 43° 26′ N, 4° 3′ U (mapo)43.428333333333-4.0436111111111Koordinatoj: 43° 26′ N, 4° 3′ U (mapo) | ||||
| Alto | 98 m | ||||
| Areo | 24,6 km² | ||||
| Horzono | UTC+01:00 [+] | ||||
_Mapa.svg.png.webp) | |||||
| |||||
|
| |||||
| Alia projekto | |||||
 Vikimedia Komunejo Suances [+] | |||||
.svg.png.webp)
Suances [sŭAnθes] estas municipo en la aŭtonoma komunumo Kantabrio (norda Hispanio), ĉe la Kantabra Maro.
Situo
Suances situas en la marbordo de la Kantabra Maro, 31 km for de la regiona ĉefurbo Santandero. Ĝi najbaras al Santillana del Mar (okcidente), Polanco (sude) kaj la estuaro de la unuiĝintaj riveroj Saja kaj Besaya (oriente), trans kiu estas la municipo Miengo.
Historio
Ĝin oni konsideras la urbo enhavanta la Romian havenon Portus Blendium (blenda haveno en la latina lingvo). Tiu nomo devenas de blendo, kiu estis enŝipiĝita en la haveno,[1] kion oni konstatis per diversaj arkeologiaj kavaĵoj ĉirkaŭ la loka kirko. De la 12-a jarcento la urbo iĝis konata pro la graveco de la loka haveno San Martín de la Arena, kiu iĝis grava haveno por kaptado de balenoj. Ĝin administre kontrolis la nobela familio Casa de la Vega. La gravecon de la haveno konstatas tio, ke ĝin atakis ŝipoj el Santandero pro komerce konkura konflikto. De la 17-a jarcento, pro ŝtopiĝo de la estuaro, la kaptado de balenoj iĝis malpli aktiva.
La plej malnova konstruaĵo estas ruiniĝinta gardoturo, kiun konstruis Diego Hurtado de Mendoza inter 1403 kaj 1437, foje grandigita per konstruado de pluraj muroj.
De la 19-a jarcento stranda banado iĝis pli kaj pli populara, allogante plurajn turistojn al Suances. Tiam oni konstruis multajn feriejojn kaj somerajn domojn. Plua konstruado kaj starigo de promenejo disigis la strandon en du partojn. La promenejo ankaŭ samniveligis la terenon kaj permesis ke, la urbo plu kreskis ĉe la strandon kaj ne nur sur la klifon.
En 1890 la loka registaro translokigis sian sidejon de Ongayo al Suances kaj konstruis la nuna urbodomon. Ĝia estilo estas eklektika novklasikismo kaj rimarkindas, ke la konstruaĵo estas tute simila al urbodomo de Colombres, en Asturio.
Dum la unua jardeko de la 20-a jarcento oni konstruis du lernejojn en la strato Quintana, per mono donita de mecenato Juan José Gómez-Quintana kaj Susana del Almo.
Nun la plej gravan ekonomian rolon ludas industrio, fiŝkaptado kaj turismo. Oni konsideras ĝin kulture havena urbo kaj tipa metio estas fiŝkaptisto.
Geografio
Orografio estas tre diversa. Rimarkindas la klifo El Dichoso, kiu estas en la okcidenta flanko de la estuaro San Martín de la Arena. Ĝi estas malalta, kruta kaj karsta, de kurva pinto, kiun lokanoj nomas Roca Blanca (blanka roko). Sur la pinto estas geodezia vertico, je nomo Garita, 46,40 metrojn super la marnivelo. Ĉe la marbordo de la municipo estas kvin insuletoj. Ili administre apartenas al la apuda municipo Miengo sed situas tuj antaŭ la marbordo de Suances. Tra la estuaro de San Martín de la Arena (alinome estuaro de Suances) oni povas navigi ene en la riveron ĝis la vilaĝo Requejada, kie ekzistas haveno (municipo Polanco). En la municipo estas kvin strandoj, kiuj allogas multajn turistojn dum somero. Ili estas El Sable, Los Locos, La Concha, La Ribera kaj La Riberuca.
Conejera estas proksima insulo.
Vilaĝoj
- Cortiguera
- Hinojedo
- Ongayo
- Puente Avíos
- Suances (sidejo de la loka registaro kaj plej loĝita loko)
- Tagle