 |
- La mallongigo BE en Studen BE staras por la svisa Kantono Berno. Por aliaj signifoj de la nomo vidu sub Studen. |
| Studen | |
|---|---|
 Blazono de Studen | |
| Blazono de Studen | |
 Restaĵoj de la romia templodistrikto de Petinesca en la hodiaŭa komunumo Studen | |
| Restaĵoj de la romia templodistrikto de Petinesca en la hodiaŭa komunumo Studen | |
| komunumo en Svislando | |
| Kantono | Berno |
| Administra distrikto | Seeland |
| Malnova distrikto ĝis 2009 | Nidau |
| Koordinatoj | 47° 6′ 43″ N 7° 18′ 14″ O / 47.11194 °N, 7.30389 °O (mapo)Koordinatoj: 47° 6′ 43″ N 7° 18′ 14″ O / 47.11194 °N, 7.30389 °O (mapo) |
| Nombro de loĝantoj | 2820 |
| Areo | 2,72 km² |
| Alteco | 437 m super marnivelo |
| Poŝtkodo | 2557 |
| Komunumkodo | 0749 |
 Mapo de Studen | |
| Mapo de Studen | |
Studen estis ĝis la 31-a de decembro 2009 komunumo de la distrikto Nidau kaj ek de la 1-a de januaro 2010 komunumo de la administra distrikto Seeland en Kantono Berno, Svislando. Ĝi havis 2820 loĝantojn je la 31-a de decembro 2010.
Geografio
Studen situas nordnordoriente de la urbo Bielo en la Berna Lagolando. Tra la komunumo fluas la rojo Sagibach, en oriento la komunuma teritorio etendiĝas ĝis la malnova fluejo de la rivero Aro. La komunumo konsistas el la vilaĝo Studen kaj la kvartalo Grien (kie apud la malnova Aro troviĝas la zoparko Erlebniswelt Seeteufel [Aventurejo Lofio]). La komunumo en nordo kunkreskis kun Aegerten kaj en sudokcidento kun Worben. En okcidento de la komunumo situas en arbaro la ruinoj de la iama romia setlejo Pertinesca.[1]
La teritorio de la komunumo etendiĝas sur areo de 2,72 km², de kiuj 18,0% estas kovritaj de arbaro, 38,6% servas por agrikulturo kaj 41,9% por setlado. [2]
Najbaraj komunumoj
La komunumo Studen limas en nordoriento al Schwadernau, en oriento al Büetigen, en sudoriento al Lyss, en sudo al Worben, en sudokcidento al Jens, kaj en sudokcidento al Aegerten.
Trafiko
Tra Studen pasas la kantona ĉefvojo n-ro 6 de Bielo al Berno kaj la svisa aŭtovojo A6. La kantona vojo 2353 krome de Studen kondukas al Büetigen konektante la kantonan vojon n-ro 6 kun la kantona vojo n-ro 22. Al la publika transportreto Studen estas konektita per stacidomo de la trajnlinio de Svisaj Federaciaj Fervojoj de Bielo al Berno kaj per la loka busreto de la urbo Bielo.
Historio
En la kelta epoko en Studen ekzistis kelta fortikaĵo, de kiu postrestis muroj. Dum romia epoko en la 1-a jarcento post kristo en Studen ekzistis romia armebazo, kiu laŭdire nomiĝis Pertinesca. Skriba atesto pri la nomo ne ekzistas, tamen mencio pri la armebazo. Postrestis ruinoj de galo-romia templodistrikto.[3] La unua dokumenta mencio de Studen datiĝas el la jaro 1257 kiel Studon. Dum mezepoko Studen apartenis al la Grafoj de Nidau-Neŭŝatelo. En la jaro 1398 Studen kiel parto de la Insulgovio fariĝis havaĵo de Berno kaj estis kune kun Schwadernau kiel Kvartalo Schwadernau atribuita al la Voktejo de Nidau. Tiu voktejo fariĝis en la jaro 1803 la distrikto Nidau kaj en la jaro 2010 Studen estis atribuita al la administra distrikto Bielo.[4]
Vidu ankaŭ
- Aliaj signifoj de Studen
- Studen BE (stacidomo)
Notoj kaj referencoj
- ↑ Fonto: Reta mapo 1:20000 de Swisstopo
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Alfred Hirt: Pertinesca en Historia Leksikono de Svislando (2010-09-27)
- ↑ Fonto: Anne-Marie Dubler: Studen en Historia Leksikono de Svislando (2012-03-05)
Eksteraj ligiloj
- Vidu ankaŭ en la Vikimedia Komunejo la kategorion Studen – (Kolekto de bildoj kaj plurmediaj dosieroj)
| ||||||
| ||||||
