Stratokumuluso[1] (latine strātocumulus, mallonge Sc) estas genro de nuboj, konsistantaj el grandaj, mallumaj, rondaj amasoj, ofte en grupoj, linioj, aŭ ondoj, kies eroj estas pli grandaj ol tiuj en altokumuluso. Stratokumuluso ordinare troviĝas malpli ol 2 km super marnivelo.
Klasifiko
La Internacia Nubatlaso difinas kvin speciojn de la genro stratokumuluso.
- Stratumforma stratokumuluso (latine strātocumulus strātifōrmis, mallonge Sc str)
- Lensa stratokumuluso (latine strātocumulus lenticulāris, mallonge Sc len)
- Kastela stratokumuluso (latine strātocumulus castellānus, mallonge Sc cas)
- Volvita stratokumuluso (latine strātocumulus volūtus, mallonge Sc vol)
- Floka stratokumuluso (latine strātocumulus floccus, mallonge Sc flo)
Opaka stratumforma stratokumuluso en Pensilvanio
Lensa stratokumuluso en Vajomingo
Floka stratokumuluso en Pensilvanio
Kastela stratokumulo
Historio
Ludwig F. Kämtz difinis la genron stratokumuluso en 1840.[2] La nomo stratokumuluso devenas de la jam ekzistintaj genroj stratuso kaj kumuluso (sed ne estas regula kunmetitaĵo laŭ Esperanta gramatiko pro la ŝanĝo de la radiko stratuso → strato).
Referencoj
- ↑ Nova Plena Ilustrita Vortaro de Esperanto: stratokumulus/o
- ↑ Kämtz, Ludwig Friedrich. (1840) Vorlesungen über Meteorologie (germane).
Eksteraj ligiloj
- Stratocumulus (Sc) (Kaemtz 1840) (angle). International Cloud Atlas.
Genroj de nuboj laŭ la Internacia Nubatlaso
Ciruso | Ciruskumuluso | Cirusstratuso | Altokumuluso | Altostratuso | Kumuluso | Stratokumuluso | Stratuso | Kumulonimbuso | Nimbostratuso
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.