Floreroj: 1. stiluso, 2. ovolujo, 3. florbazo, 4. stameno, 5. petalo, 6. stigmo, 7. karpelaro, 8. sepalo, 9. flortigo

Stameno estas la vira organo de la floro. Kompare, la ina florparto estas karpelo. Androceo [1] aŭ stamenaro estas ĉiuj stamenoj de iu floro.

Stamenoj estas dupartaj:

  • la stamentigo (aŭ filamento[2][3]), baze, fadenforma, subtenas la polenujojn.
  • la polenujaro (aŭ antero[4][5]), supre, plej larĝa parto. La polenujaro estas 2 polenujoj kiuj produktas kaj entenas la polenon. Krome, en ĉiu polenujo estas 2 polensakoj.

Kiam la stameno estas matura, la polenujoj malfermiĝas, liberigante la polenerojn.

1. stamentigo, 2. polenujo, 3. konektilo 4. polensako

Referencoj

  1. esperante Plena Ilustrita vortaro 2002, p.86
  2. esperante Plena Ilustrita Vortaro 2002 p. 333-334
  3. esperante Eicholz, Rüdiger 1958 : Esperanta Bildvortaro, Esperanto Press, Bailieboro, Ontario, Kanada, 880 pp., p.116 (60/45)
  4. esperante Plena Ilustrita Vortaro 2002 p. 95
  5. esperante Eicholz, Rüdiger 1958 : Esperanta Bildvortaro, Esperanto Press, Bailieboro, Ontario, Kanada, 880 pp., p.116 (60/45)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.