Unua paĝo de la unua numero de la Revuo (1858)

Spiritisma Revuo - Ĵurnalo de Psikologiaj Studoj (france Revue Spirite - Journal d'Études Psychologiques) estas fondita la 1an de januaro 1858 en Parizo fare de Allan Kardec, kiu redaktis ĝin ĝis sia forpaso en la 31a de marto 1869. Allan Kardec mem eldonis ĝin je la propra risko, sen financa helpo kaj sen abonantoj.[1] Kiam li mortis, la aprila numero, tute redaktita de li, estis jam presota. Ekde de la maja numero respondecis pri la revuo pluraj personoj sub la redakta gvido de s-ro Armand Théodore Desliens[2]. En Brazilo aperis eldono de la numeroj, kiuj aperis sub la respondeco de Allan Kardec, krom tiuj, kiuj aperis post lia forpaso, ĝis decembro 1869. La tuto konsistas en dek du volumoj, kiuj enhavas po dek du numeroj. La revuo estis la unua spiritisma periodaĵo, kaj ĝi estas ankoraŭ eldonata. Nuntempe ĝi aperas ne nur en la franca, sed ankaŭ en aliaj lingvoj.

Enhavo

Ĝi enhavas "la priskribon de materiaj aŭ inteligentaj manifestiĝoj de spiritoj, aperaĵoj, elvokoj ktp, kaj ankaŭ ĉiuj novaĵoj rilate spiritismon; la instruon de spiritoj pri aferoj el la mondoj materia kaj spirita, pri la sciencoj, moralo, senmorteco de la animo, la naturo de la homo kaj ties estonteco; la historion de spiritismo en la antikveco, ĝiaj rilatoj kun magnetismo kaj somnambulismo; klarigadon de popolaj legendo kaj kredoj, de la mitologio de ĉiuj popoloj ktp."[3] "Estas nekontestebla la utileco de aparta organo, kiu sciigu la publikon pri la progresoj de ĉi tiu nova scienco [spiritismo] kaj gardu ilin kontraŭ trokredemo kaj skeptikismo." Interalie la celo de la periodaĵo estis "ligi per komuna ligilo tiujn, kiuj komprenas la spiritisman doktrinon laŭ ties ĝusta morala karaktero: praktikado de bono kaj de la evangelia karitato favore al ĉiuj."[4]

En Esperanto

Diversaj partoj kaj tekstoj el la verkoj de Allan Kardec aperis unue en la Spiritisma Revuo. Tamen la tuta Revuo kun ties dek du volumoj, redaktitaj sub la gvido de Allan Kardec, ankoraŭ ne estas Esperantigita.

Eksteraj ligiloj

Vidu ankaŭ

Referencoj

  1. ↑ Laŭ la prezento de Nestor João Masotti (iama prezidanto de Brazila Spiritisma Federacio) al la brazila eldono de la dek du unuaj jaroj de la Revuo (vidu la 1an volumon, 1858)
  2. ↑ Laŭ la prezento de la tradukinto de la brazila eldono de la dek du unuaj jaroj de la Revuo (vidu la 12an volumon, 1869)
  3. ↑ El la unua paĝo de la unua numero el januaro 1858
  4. ↑ Enkonduko de la unua numero el 1858
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.