Ĉinaj esperantistoj

SOLIVA (Prof. SHAO Rong) (1925-1997) forpasis la 4-an de marto en Dalian ( Ĉinio). Esperantisto de la 14-jara aĝo, kiel studento li kunfondis Esperanto-klubon. En 1948 en Honkongo li klopodis por restarigo de la tiea E-asocio. En Dalian li iniciatis, en la politekniko kie li instruis, la enkondukon de E-o kiel dua fremda lingvo. Post emeritiĝo, li dediĉis sin al esperantologio kaj terminologio, kampoj pri kiuj - krom matematiko - li estis delegito. Soliva verkis la lernilojn Shi jie yu (1986) kaj Lernolibro de Esperanto en sciencoj kaj teknikoj (1989) por ĉinaj studentoj kaj, kun Zhang Xiaoxia, la broŝuron Materialo pri la oficiala Esperanto-instruado en Ĉinio (1989,1991, supl. en 1993).