Sinatra estas hispana filmo de 1988 reĝisorita de Francesc Betriu kun ĉefaktoroj Alfredo Landa, Ana Obregón kaj Maribel Verdú. La scenaro oni bazis sur la romano Sinatra: Novela urbana de la argentina verkisto Raúl Núñez, publikigita en 1984.​ Ĝi ricevis diversajn premiojn.

Intrigo

Antonio Castro ‘Sinatra’ ludas en Barcelono kiel imitisto de Frank Sinatra. Lia edzino abandonas lin kaj deprimita li vagadas kiel “strangulo en la nokto” kaj finloĝas en pensiono de la malaltklasa kvartalo Barrio Chino (ĉina kvartalo). Post iom da tempo kaj ne pagipova li ricevas proponon de la posedanto de la pensiono por labori kiel nokta pordisto. Unu nokton, li legas en revuo anoncon de klubo de amikeco per korespondado kaj lia vivo ekkomplikiĝas.

Geaktoraro kaj roluloj

• Alfredo Landa kiel Sinatra.
• Ana Obregón kiel Isabel.
• Maribel Verdú kiel Natalia.
• Mercedes Sampietro kiel la edzino de Sinatra.
• Manuel Alexandre kiel Manolo.
• Julia Martínez kiel sinjorino Hortensia.
• Luis Ciges kiel Lagarto.
• Queta Claver kiel Clementina.

• En tiu ĉi artikolo estas uzita traduko de teksto el la artikolo Sinatra (película de 1988) en la hispana Vikipedio.