 |
Por samtitola artikolo vidu la paĝon Seuzach (stacidomo). |
| Seuzach | |
|---|---|
 Blazono de Seuzach | |
 Katolika Preĝejo Sankt-Martino en Seuzach | |
| komunumo en Svislando | |
| Kantono | Zuriko |
| Distrikto | Vinterturo |
| Koordinatoj | 47° 32′ 10″ N 8° 43′ 47″ O / 47.53611 °N, 8.72972 °O (mapo)Koordinatoj: 47° 32′ 10″ N 8° 43′ 47″ O / 47.53611 °N, 8.72972 °O (mapo) |
| Nombro de loĝantoj | 6790 |
| Areo | 7,56 km² |
| Alteco | 455 m super marnivelo |
| Poŝtkodo | 8472 |
| Komunumkodo | 0227 |
 Mapo de Seuzach | |
Seuzach estas komunumo en la distrikto Vinterturo, Kantono Zuriko, Svislando. Ĝi havis 6790 loĝantojn je la 31-a de decembro 2008. La komunumo konsistas el la municipoj Seuzach, Oberohringen kaj Unterohringen.
Geografio
Seuzach apartenas al la aglomeraĵo de la urbo Vinterturo, ĉe kies norda limo la komunumo situas. La iama kamparvilaĝo hodiaŭ havas urbecan karakteron. De la komunuma areo de 7,56 km² 44,4% servas por agrikulturo, 24,3% estas kovritaj de arbaro, 20,4% estas kovritaj de setlejoj, 9,9% servas por la trafiko kaj 0,5% estas akvejoj kaj 0,9% dezertaj.
Najbaraj komunumoj
La komunumo Seuzach limas en nordokcidento al Hettlingen, en nordo al Dägerlen, en nordoriento al Dinhard, kaj en oriento, sudo kaj sudokcidento al la urbo Vinterturo.
Trafiko
Seuzach disponas pri stacidomo de la Svisaj Federaciaj Fervojoj, kiu estas konektita unuflanke per la regiona trajnlinio S11 de la Zurika Trafik-Unio tra Vinterturo, Zürich Stadelhofen, Ĉefstacidomo Zuriko, Dietikon kun Brugg kaj aliflanke ankaŭ kun la linio S29 tra Vinterturo ankaŭ kun Zuriko. Estas aliro de Seuzach al la naciaj svisaj aŭtovojoj A1 kaj A4.
Historio
La unua historia mencio de Seuzach datiĝas el la jaro 1263. En mezepoko Seuzach apartenis al la Grafoj de Kiburgo kaj poste al ties heredantoj, la Habsburgoj, kiuj vendis la posedaĵon en la jaro 1452 kun la tuta Grafejo Kiburgo al la urbo Zuriko.
Vidu ankaŭ
Eksteraj ligiloj
- Oficiala retejo de la komunumo Seuzach
- Seuzach en la Historia Leksikono de Svislando (germane, france, itale)
| ||||||
