 Kiel legi la taksonomion | ||||||||||
|---|---|---|---|---|---|---|---|---|---|---|
 | ||||||||||
| Biologia klasado | ||||||||||
| ||||||||||
Genroj | ||||||||||
| ||||||||||
Aliaj Vikimediaj projektoj | ||||||||||
La Eŭrilajmedoj (Eurylaimidae) estas familio el la ordo de la Paseroformaj birdoj. En tiu familio estas ok genroj kaj 14 specioj.
Disvastiĝo
Eŭrilajmedoj loĝas en la praarbaroj kaj arbaraj regionoj en Afriko, Sudazio kaj Sudorientazio.
Aspekto
Ili estas 14 ĝis 28 centimetrojn altaj, sed larĝaj birdoj kun forta, larĝa beko, mallongaj kruroj kaj vostoj. La vosto de la plej multaj specioj estas rondigita, escepte tiu de Psarisomo (Psarisomus dalhousiae).
La seksoj de la plej multaj specioj estas distingeblaj laŭ la bunteco de la plumaro (seksa duformismo / dimorfismo).
Eŭrilajmedoj havas, kontraste al aliaj Paseroformaj birdoj, 15 kolajn vertebrojn (kutime estas 14) kaj specialajn piedajn tendenojn.
Nutro kaj generado
La nutraĵo konsistas el fruktoj, semoj, insektoj kaj aliaj senvertebruloj. Siajn piroformajn nestojn ili ofte pendigas super akvo al branĉoj de arboj.
Nomo
La scienca nomo venas el la helena εὐρύς = larĝa kaj λαιμός = gorĝo aŭ faringo, eĉ faŭko. Pro tio la birdo ekz. germane estas nomata larĝfaringulo (Breitrachen) dum multaj aliaj lingvoj nomas ĝin larĝbekulo (ekz. svede Brednäbb, angle Broadbill, itale Beccolargo, pole szerokodziób, estone lainokk, ĉine 阔嘴鸟).
La helena λαιμός estas dusilaba vorto (ne: λα-ι-μός, sed λαι-μός), do la ĝusta esperanta genra nomo estas ne Eŭ-ri-la-i-mo, sed Eŭrilajmo. La familio nomiĝas Eŭrilajmedoj.
Genroj kaj specioj
- Smitornito (Smithornis)
- Kaba smitornito (Smithornis capensis)
- Sharpe-smitornito (Smithornis sharpei)
- Rufflanka smitornito (Smithornis rufolateralis)
- Kaliptomeno (Calyptomena)
- Verda kaliptomeno, smeralda kaliptomeno (Calyptomena viridis)
- Hose-kaliptomeno (Calyptomena hosii)
- Ŭajthid-kaliptomeno (Calyptomena whiteheadi) [1]
- Cimbirinko (Cymbirhynchus)
- Grandbeka cimbirinko (Cymbirhynchus macrorhynchos)
- Psarisomo (Psarisomus)
- Dalhousie-psarisomo (Psarisomus dalhousiae)
- Serilofo (Serilophus)
- Okulvitra serilofo (Serilophus lunatus) [2]
- Eŭrilajmo (Eurylaimus)
- Java eŭrilajmo (Eurylaimus javanicus)
- Okraaksela eŭrilajmo (Eurylaimus ochromalus)
- Steere-eŭrilajmo (Eurylaimus steerii)
- Samara eŭrilajmo (Eurylaimus samarensis)
- Koridono (Corydon)
- Sumatra koridono (Corydon sumatranus)
- Pseŭdokaliptomeno (Pseudocalyptomena)
- Grauer-pseŭdokaliptomeno (Pseudocalyptomena graueri)
Referencoj
