Selma estas urbo en Alabamo, ŝtato de Usono, de kiu partoprenantoj de la marŝo por justeco de D-ro Martin Luther King iris en la jaro 1965 al Montgomery, la ĉefurbo de la ŝtato.
Bazaj informoj
- Koordinatoj: 32° 27′ N 87° 01′ U / 32.450 °N, 87.017 °U (mapo)Koordinatoj: 32° 27′ N 87° 01′ U / 32.450 °N, 87.017 °U (mapo)
- Areo: 37 km²
- Loĝantaro: 20.756 (en 2010)
- Supermara alteco: 38 m
- Horzono: UTC-6h (en somero UTC-5h)
- Poŝtkodo: 36701–36703
- Telefonkodo: 334
Geografio
Selma situas laŭ rivero sur ebenaĵo en la suda parto de Usono, en la meza parto de Alabamo.
Historio
La plej frue indianoj vivis en tiu areo. Selma estis oficiale registrita en 1732 kiel Ecor Bienville. En 1820 Selma urbiĝis kaj ĝi iĝis sidloko de Kantono Dallas en 1866. Dum la interna milito Selma estis unu el la ĉefaj armeaj produktadocentroj de la Sudŝtatoj, tial post batalo armeo de Nordo okupis ĝin. Martin Luther King faris paroladon en 1965 en kapelo nomata Brown.
La Marŝado el Selma ĝis Montgomery, ankaŭ konata kiel Sanga dimanĉo kaj la du marŝoj kiuj tion sekvis, estis marŝoj kaj protestoj okazintaj en 1965 kiuj markis la politikan kaj emocian kulminon de la usona civitanrajta movado. Ĉiuj tri estis provoj marŝi dum 45 mejloj de Selma ĝis Montgomery kie la Alabama kapitolo situas.
Ekonomio
En Selma la plej grava industria branĉo estas produktado de papero.
Vidindaĵoj
- Kapelo Brown de 1908
- preĝejo de Sankta Paŭlo
- muzeoj
- historia loĝkvartalo
- biblioteko de 1904
Fontoj
- Angla Vikipedio
